റോം : ബ്രിട്ടന് പിന്നാലെ ഇറ്റലിയിലും ഭീതി പടര്‍ത്തി ജനിതക മാറ്റം വന്ന കോവിഡ് വൈറസിന്റെ സാന്നിദ്ധ്യം കണ്ടെത്തി. ഏതാനും ദിവസം മുമ്പ് ബ്രിട്ടനില്‍ നിന്നും മടങ്ങിയെത്തിയ ആളിലാണ് വൈറസിന്റ് സാന്നിധ്യം കണ്ടത്തിയതെന്ന് ഇറ്റാലിയന്‍ ആരോഗ്യ മന്ത്രാലയം വെളിപ്പെടുത്തി.
രോഗം സ്ഥിരീകരിച്ചിരിക്കുന്ന ഇറ്റാലിയന്‍ പൗരന്‍ തന്റെ പങ്കാളിയ്‌ക്കൊപ്പം റോമിലെ ഫ്യുമിചീനോ എയര്‍പോര്‍ട്ടിലാണ് ബ്രിട്ടനില്‍ നിന്നും വിമാനമാര്‍ഗം എത്തിയത്. ഇദ്ദേഹത്തെ ഇപ്പോള്‍ ഐസൊലേഷനില്‍ പ്രവേശിപ്പിച്ചിരിക്കുകയാണ്.
ബ്രിട്ടന്റെ അയല്‍രാജ്യങ്ങള്‍ വൈറസ് ഭീതിയില്‍ തങ്ങളുടെ അതിര്‍ത്തികളില്‍ കര്‍ശന സുരക്ഷ ഏര്‍പ്പെടുത്തുകയും ബ്രിട്ടനില്‍ നിന്നുള്ള യാത്രക്കാര്‍ക്ക് വിലക്കേര്‍പ്പെടുത്തുകയും ചെയ്തിട്ടുണ്ട്. ജനിതക മാറ്റം വന്ന വൈറസ് വേഗത്തില്‍ വ്യാപിക്കുന്നതും തീവ്രത കൂടിയതുമാണ്.
അതിവ്യാപന ശേഷിയുള്ള പുതിയ വകഭേദത്തില്‍പ്പെട്ട കൊറോണ വൈറസ് നിയന്ത്രണാതീതം എന്ന റിപ്പോര്‍ട്ടുകളാണ് ബ്രിട്ടണില്‍ നിന്ന് പുറത്തുവരുന്നത്. ആരോഗ്യ സെക്രട്ടറി മാറ്റ് ഹാന്‍കോക്ക് ആണ് ബ്രിട്ടണിലെ ആശങ്കാജനകമായ സ്ഥിതിവിവരം പുറത്തുവിട്ടത്.
പ്രതികരിക്കാൻ ഇവിടെ എഴുതുക: