കാസര്‍കോഡ് : കാസര്‍കോഡ് കോണ്‍ഗ്രസ് നേതാവിന്റെ വീടിനുനേരെ അജ്ഞാത സംഘത്തിന്റെ ബോംബേറ്. കെപിസിസി നിര്‍വാഹക സമിതിയംഗമായ പടന്ന എടച്ചാക്കൈയില്‍ പി.കെ ഫൈസലിന്റെ വീടിന് നേരെയാണ് പുലര്‍ച്ചെ ബൈക്കില്‍ എത്തിയ സംഘം ആക്രമണം നടത്തിയെന്നാണ് പരാതി. ഉഗ്രശേഷിയുള്ള ബോംബാണ് ഉപയോഗിച്ചതെന്നാണ് സൂചന. ആക്രമണത്തില്‍ ജനല്‍ പാളികള്‍ക്കും ടൈലുകളും ഉള്‍പ്പെടെ കേടുപാടുകള്‍ പറ്റിയിട്ടുണ്ട്.
വീടിന് സമീപം നിര്‍ത്തിയിട്ട കാറിനും നാശനഷ്ടങ്ങളുണ്ടായിട്ടുണ്ട്. സംഭവത്തിനു പിന്നില്‍ സിപിഎം ആണെന്ന് ആരോപണം ഉയര്‍ന്നിട്ടുണ്ട്. പഞ്ചായത്തിലെ വാര്‍ഡുകളില്‍ പ്രമുഖ നേതാക്കള്‍ തോറ്റതില്‍ അമര്‍ഷം പൂണ്ട സിപിഎം പ്രവര്‍ത്തകര്‍ വീട് ആക്രമിക്കുകയായിരുന്നുവെന്നാണ് ഫൈസല്‍ ആരോപിക്കുന്നത്.
എന്നാല്‍ അത്തരത്തില്‍ ഒരു നടപടിയും ഉണ്ടായിട്ടില്ല. ഫൈസലിന്റെ ആരോപണം അടിസ്ഥാന രഹിതവും ആണെന്നും സിപിഎം പ്രതികരിച്ചു. സംഭവത്തില്‍ കാഞ്ഞങ്ങാട് ഡിവൈഎസ്പിയുടെ നേതൃത്വത്തില്‍ വീട്ടില്‍ പരിശോധന നടത്തി. ബൈക്കില്‍ എത്തിയ സംഘത്തെ കേന്ദ്രീകരിച്ച് അന്വേഷണം ആരംഭിച്ചു. ഇതുവരെ ആര്‍ക്കെതിരെയും കേസെടുത്തിട്ടില്ല
പ്രതികരിക്കാൻ ഇവിടെ എഴുതുക: