ന്യൂഡല്‍ഹി: മുതിര്‍ന്ന പൗരന്‍മാര്‍ക്ക് 50 ശതമാനം നിരക്കിളവ് പ്രഖ്യാപിച്ച് എയര്‍ ഇന്ത്യ. 60 വയസ് പൂര്‍ത്തിയായ മുതിര്‍ന്ന ഇന്ത്യന്‍ പൗരന്‍മാര്‍ക്ക് ആഭ്യന്തര സര്‍വീസില്‍ ഇളവ് ലഭിക്കും. അടിസ്ഥാന നിരക്കില്‍ മാത്രമായിരിക്കും ഇളവുണ്ടാകുകയെന്ന് വെബ്‌സൈറ്റില്‍ എയര്‍ ഇന്ത്യ അറിയിച്ചു. ടെര്‍മിനല്‍ ഫീസ്, എയര്‍പോര്‍ട്ട് യൂസര്‍ ഫീസ് എന്നിവയില്‍ ഇളവ് കിട്ടില്ല.
ആനുകൂല്യത്തിനായി പ്രായം രേഖപ്പെടുത്തിയ തിരിച്ചറിയല്‍ കാര്‍ഡ് കയ്യില്‍ കരുതണം. തെരഞ്ഞെടുപ്പ് കമ്മിഷന്റെ ഐഡി കാര്‍ഡ്, പാസ്‌പോര്‍ട്ട്, ഡ്രൈവിംഗ് ലൈസന്‍സ്, മുതിര്‍ന്ന പൗരന്‍മാര്‍ക്കായി എയര്‍ ഇന്ത്യ നല്‍കിയിട്ടുള്ള തിരിച്ചറിയല്‍ കാര്‍ഡ് എന്നിവ പരിഗണിക്കും. ഇക്കോണമി ക്ലാസിന് മാത്രമാമായിരിക്കും ഇളവ് ബാധകമായിരിക്കുക.
പ്രതികരിക്കാൻ ഇവിടെ എഴുതുക: