പന്തളം: തദ്ദേശ തെരഞ്ഞെടുപ്പില്‍ എട്ടു നിലയില്‍ പൊട്ടിയെങ്കിലും ജാക്സണ് ബേബി തുരിത്തിക്കരയാണ് ഇപ്പോള്‍ സോഷ്യല്‍മീഡിയയില്‍ താരം. ജാക്സണ് ആര്‍മിയും ഫാന്‍സുമൊക്കെയായായി നിരവധി ഗ്രൂപ്പുകള്‍. ജാസ്‌കണ് അഭിവാദ്യമായി ആയിരങ്ങളാണ് ഫേസ്ബുക്ക് പേജില്‍ എത്തുന്നതില്‍. കാരണം മറ്റൊന്നും അല്ല തനിക്ക് ആകെ ലഭിച്ച വെറും അഞ്ച് വോട്ടിന് നന്ദി പറഞ്ഞതിനൊപ്പം ഒരു അസഭ്യം കൂടി ചേര്‍ത്തുള്ള സ്ഥാനാര്‍ഥിയുടെ ഫെയ്സ്ബുക്ക് പോസ്റ്റ് വൈറലായി. പന്തളം നഗരസഭ മൂന്നാം ഡിവിഷനില്‍ മത്സരിച്ച ജാകസണ്‍ ബേബി തുരുത്തിക്കരയാണ് വന്‍ പരായത്തെ തുടര്‍ന്ന് വോട്ട് ചെയ്ത എല്ലാവരെയും എഫ്ബിയിലൂടെ അസഭ്യം പറഞ്ഞത്. അഞ്ചു വോട്ട് കിട്ടിയതിനാണ് അസഭ്യം പറഞ്ഞത്.
ട്രോളന്മാര്‍ ഇത് ഏറ്റെടുക്കുകയും ചെയ്തു. എന്തായാലും ജാക്‌സന്റെ പോസ്റ്റ് റിപ്പോര്‍ട്ട് അടിച്ചതിനെ തുടര്‍ന്ന് ഫേസ്ബുക്ക് നീക്കം ചെയ്തിരുന്നു. എങ്കിലും അതിന്റെ സ്‌ക്രീന്‍ഷോട്ട വൈറലായി. പൈപ്പ് ടാപ്പ് അടയാളത്തിലാണ് ജാക്സണ് മത്സരിച്ചത്. ഫലം വന്നപ്പോള്‍ ജനങ്ങളുടെ പിന്‍തുണ 5 വോട്ടില്‍ ഒതുങ്ങി. ഇതിനെ തുടര്‍ന്നാണ് അസഭ്യ പ്രയോഗം നടത്തിയത്.
പ്രതികരിക്കാൻ ഇവിടെ എഴുതുക: