കൊല്‍ക്കത്ത: ഫഌറ്റില്‍ മരിച്ച നിലയില്‍ കണ്ടെത്തിയ ബോളിവുഡ് നടിയും മോഡലുമായ ആര്യ ബാനര്‍ജിയുടെ പോസ്റ്റ്മോര്‍ട്ടം റിപ്പോര്‍ട്ട് പുറത്ത്. ആര്യയുടെ മരണം കൊലപാതകമല്ലെന്നാണ് റിപ്പോര്‍ട്ടിലെ പരാമര്‍ശം. ലിവര്‍ സിറോസിസ് രോഗിയായിരുന്ന ആര്യയുടെ ആമാശയത്തിനുള്ളില്‍ മദ്യത്തിന്റെ അംശം ഉണ്ടായിരുന്നതായും റിപ്പോര്‍ട്ടില്‍ പറയുന്നുണ്ടെന്നും കൊല്‍ക്കത്ത ജോയിന്റ് പോലീസ് കമ്മീഷണര്‍ മുരളീധര്‍ ശര്‍മ വ്യക്തമാക്കി.
ഡേര്‍ട്ടി പിക്ചര്‍, ലവ് സെക്‌സ് ഔര്‍ ധോക്ക തുടങ്ങിയ സിനിമകളിലൂടെയും സീരിയലുകളിലൂടെയും ശ്രദ്ധേയയായ ആര്യയെ ജോധ്പുര്‍ പാര്‍ക്കിലെ ഫഌറ്റിലാണ് മരിച്ച നിലില്‍ കണ്ടെത്തിയത്. തനിച്ചായിരുന്നു താമസം. രാവിലെ വാതില്‍ തുറക്കാത്തതോടെ ജോലിക്കാരി അയല്‍ക്കാരെ വിവരമറിയിച്ചു. പോലീസെത്തി വാതില്‍ പൊളിച്ചപ്പോള്‍ മുറിയില്‍ നിലത്തുകിടക്കുകയായിരുന്നു ആര്യ. ഹിന്ദുസ്ഥാനി സംഗീതത്തില്‍ ബിരുദാനന്തര ബിരുദമുള്ള ആര്യയുടെ യഥാര്‍ഥ പേര് ദേബദത്ത എന്നാണ്. പ്രമുഖ സിത്താര്‍ വാദകന്‍ പണ്ഡിറ്റ് നിഖില്‍ ബാനര്‍ജിയുടെ മകളാണ്.
പ്രതികരിക്കാൻ ഇവിടെ എഴുതുക: