മേടക്കൂറ്: അശ്വതി, ഭരണി, കാര്‍ത്തിക (1/4)
ജീവിത പ്രതിസന്ധികളെ അതിജീവിക്കുവാന്‍ ഈശ്വരീയ കാര്യങ്ങളില്‍ ശ്രദ്ധ ചെലുത്തും. നൂതനമായ കര്‍മ്മമാര്‍ഗങ്ങളെ അവലംബിക്കും. വിവാദ വിഷയങ്ങളില്‍നിന്നും മാറിനില്‍ക്കും.
ഇടവക്കൂറ്: കാര്‍ത്തിക (3/4), രോഹിണി,
മകയിരം (1/2)
ഒരു പൂര്‍വ്വകാല സുഹൃത്തിന്റെ സഹായം ലഭ്യമാവും. രോഗ ദുരിതങ്ങള്‍ക്ക് ശമനമുണ്ടാകും. ഉത്തമമായ ജീവിത പങ്കാളിയെ കണ്ടെത്തും. അവസരോചിതമായി ധനവിനിമയം ചെയ്യും.
മിഥുനക്കൂറ്: മകയിരം (1/2), തിരുവാതിര,
പുണര്‍തം (3/4)
കുടുംബ ബന്ധങ്ങള്‍ കൂടുതല്‍ ദൃഢമാവും. ഏജന്‍സി ഇടപാ
ടുകളിലൂടെ കൂടുതല്‍ ധനം ലഭ്യമാവും. കോടതി നടപടികള്‍ അനുകൂലമാവും. ആരോഗ്യകാര്യങ്ങളില്‍ കൂടുതല്‍ ശ്രദ്ധ ചെലുത്തും.
കര്‍ക്കടകക്കൂറ്: പുണര്‍തം(1/4), പൂയം, ആയില്യം
ദൈവിക കാര്യങ്ങളാല്‍ പ്രതിസന്ധികളെ അതിജീവി
ക്കും. ഗൃഹനിര്‍മാണത്തിനുള്ള പ്രവര്‍ത്തനങ്ങള്‍ പുനരാരംഭിക്കും. ജീവിത ദുഃഖങ്ങള്‍ക്ക് അറുതിവരും. വാഹനയോഗം ഉണ്ട്.
ചിങ്ങക്കൂറ്: മകം, പൂരം, ഉത്രം(1/4)
വിദ്യാഭ്യാസപരമായ ഉന്നതിക്കായി പരിശ്രമിക്കും. രോഗദുരിതങ്ങള്‍ക്ക് ശമനമുണ്ടാവും. യാത്രകള്‍ പലതും മാറ്റിവയ്‌ക്കപ്പെടും. സ്വതന്ത്രമായ ചിന്താഗതി വെച്ചുപുലര്‍ത്തും.
കന്നിക്കൂറ്: ഉത്രം (3/4), അത്തം,
ചിത്തിര(1/2)
വ്യാവസായിക മേഖലകളില്‍ തൊഴില്‍ കുഴപ്പങ്ങള്‍ക്ക് സാധ്യത. ശത്രുക്കളുടെ ഉപജാപ പ്രവര്‍ത്തനങ്ങള്‍ക്ക് ആക്കം കൂട്ടും. മനഃസാന്നിധ്യത്തോടെ പ്രശ്‌നങ്ങളെ അതിജീവിക്കും.
തുലാക്കൂറ്: ചിത്തിര(1/2), ചോതി,
വിശാഖം (3/4)
കാര്‍ഷിക കാര്യങ്ങളില്‍ കൂടുതല്‍ ശ്രദ്ധ ചെലുത്തും. നാല്‍ക്കാലി സമ്പത്തുക്കള്‍ വര്‍ധിക്കും. കമിതാക്കള്‍ക്ക് വിവാഹയോഗമുണ്ട്.
വൃശ്ചികക്കൂറ്: വിശാഖം(1/4), അനിഴം,
തൃക്കേട്ട
ഊഹകച്ചവടത്തില്‍ അധികലാഭം സിദ്ധിക്കും. രാത്രികാല യാത്രകളില്‍ കൂടുതല്‍ ശ്രദ്ധ ആവശ്യമായിവരും. വ്യത്യസ്ത ചിന്താഗതികള്‍ വെച്ചുപുലര്‍ത്തും. കുടുംബ ഭദ്രത നിലനി
ല്‍ക്കും.
ധനുക്കൂറ്: മൂലം, പൂരാടം, ഉത്രാടം(1/4)
കര്‍മ്മമേഖലയില്‍ കിടമത്‌സരങ്ങള്‍ക്ക് സാധ്യത. ഉന്നതരുമായുള്ള ബന്ധങ്ങളില്‍ അഭിപ്രായ വ്യത്യാസം വന്നുചേരും. ധനപരമായ പുതിയ സാധ്യതകള്‍ ലഭ്യമാവും. മംഗള കര്‍മ്മങ്ങളില്‍ പങ്കുചേരും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
ആത്മവിശ്വാസക്കുറവുമൂലം പല പദ്ധതികളും പാതിവഴിയില്‍ ഉപേക്ഷിക്കും. ഉറ്റവര്‍ പലരും പ്രതികൂല നിലപാ
ടുകള്‍ സ്വീകരിക്കും. ധര്‍മ്മകാര്യങ്ങളില്‍ കൂടുതല്‍ ശ്രദ്ധ ചെലുത്തും.
കുംഭക്കൂറ്: അവിട്ടം(1/2), ചതയം, പൂരുരുട്ടാതി(3/4)
അധ്വാനഭാരം വര്‍ധിക്കും. സന്താനങ്ങളുടെ ഉന്നതിക്കായി അധികം ധനം വിനിയോഗിക്കും. ജോലി സ്ഥിരത നേടും. രക്ഷാസ്ഥാനം കണ്ടെത്തും.
മീനക്കൂറ്: പൂരുരുട്ടാതി(1/4), ഉതൃട്ടാതി,
രേവതി
മാധ്യമപ്രവര്‍ത്തകര്‍ക്ക് കൂടുതല്‍ അംഗീകാരങ്ങള്‍ ലഭ്യമാവും. സാമ്പത്തിക നില തൃപ്തികരമാവും. വിദ്യാഭ്യാസപരമായ ഉപരിപഠനത്തിന് സാധ്യത തെളിയും. അവിവാഹിതര്‍ക്ക് വിവാഹയോഗമുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: