കൊടുങ്ങല്ലൂര്‍: കോടികളുടെ വെട്ടിപ്പ് നടത്തി സ്വകാര്യ കുറി സ്ഥാപന ഉടമകള്‍ മുങ്ങി. ശൃംഗപുരം അശോക തിയറ്ററിന് സമീപം പ്രവര്‍ത്തിക്കുന്ന ഫിന്‍സിയര്‍ ഇന്‍ഷുറന്‍സ് കണ്‍സള്‍ട്ടന്‍സിയുടെ നടത്തിപ്പുകാരായ ബിനു, സുധീര്‍ കുമാര്‍, മുരളീധരന്‍, സതീഷ് ബാബു, സാബു എന്നിവരാണ് സ്ഥാപനം പൂട്ടി ഒളിവില്‍ പോയത്. കുറി വട്ടമെത്തിയിട്ടും വരിക്കാര്‍ക്ക് പണം ലഭിക്കാത്തതിനെ തുടര്‍ന്ന് അറുപതോളം പേര്‍ കൊടുങ്ങല്ലൂര്‍ പോലീസില്‍ പരാതി നല്‍കിയിട്ടുണ്ട്.
70000 രൂപ മുതല്‍ മൂന്നര ലക്ഷം രൂപ വരെ ലഭിക്കാനുള്ളവര്‍ പരാതിക്കാരിലുണ്ട്. കഴിഞ്ഞ രണ്ട് ദിവസത്തിനിടെ ആറു കേസുകളാണ് ഇവര്‍ക്കെതിരെ രജിസ്റ്റര്‍ ചെയ്തത്. അന്വേഷണത്തിന്റെ ഭാഗമായി പ്രതികളുടെ വീടുകളിലും ശൃംഗപുരത്തെ ഓഫീസിലും കൊടുങ്ങല്ലൂര്‍ ഇന്‍സ്പെക്ടര്‍ പി.കെ. പത്മരാജന്‍, എസ്ഐ ഇ.ആര്‍. ബൈജു എന്നിവരുടെ നേതൃത്വത്തില്‍ പരിശോധിച്ച് രേഖകള്‍ കണ്ടെടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: