പുനലൂര്: ഉറുകുന്നില് വാഹനാപകടത്തില് മരിച്ച പെണ്കുട്ടികളുടെ വീടുകളില് ആശ്വാസവാക്കുകളുമായി മുന് കേന്ദ്രമന്ത്രി അല്ഫോണ്സ് കണ്ണന്താനമെത്തി. ഇരുവീടുകളിലുമെത്തിയ എംപി അപകടത്തില് കൊല്ലപ്പെട്ട കുട്ടികളുടെ അച്ഛനമ്മമാരെ ആശ്വസിപ്പിച്ചു.
കൊല്ലം-തിരുമംഗലം ദേശീയപാതയില് വാഹനങ്ങളുടെ അമിതവേഗം നിയന്ത്രിക്കാനും ഇതരസംസ്ഥാനങ്ങളില് നിന്നെത്തുന്ന വാഹനങ്ങളില് സുരക്ഷാപരിശോധനയും ഫിറ്റ്നസും കര്ശനമാക്കാനും നടപടി ആവശ്യമാണെന്നും അദ്ദേഹം ചൂണ്ടിക്കാട്ടി. പോലീസിന്റെ ഭാഗത്തു നിന്നും ഇതിനായി കാര്യമായ ശ്രദ്ധ ഇക്കാര്യങ്ങളില് ഉണ്ടാകണമെന്നും അദ്ദേഹം ആവശ്യപ്പെട്ടു.
ബിജെപി ജില്ലാ വൈസ് പ്രസിഡന്റ് കൊട്ടിയം സുരേന്ദ്രനാഥ്, നിയോജകമണ്ഡലം ജനറല് സെക്രട്ടറിമാരായ പി. ബാനര്ജി, കെ. രവികുമാര്, ഒബിസി മോര്ച്ച നിയോജകമണ്ഡലം പ്രസിഡന്റ് അഞ്ജുകുമാര്, മണ്ഡലം വൈസ് പ്രസിഡന്റ് ഇടമണ് സുധീര്, തെന്മല പഞ്ചായത്ത് സമിതി പ്രസിഡന്റ് അജി കെ. രാജ് എന്നിവര് കണ്ണന്താനത്തിനൊപ്പമുണ്ടായിരുന്നു. പുനലൂര് ഐക്കരക്കോണം വാര്ഡിലെ തെരഞ്ഞെടുപ്പ് യോഗത്തിലും അദ്ദേഹം പങ്കെടുത്തു.
