നടന്‍ ഉണ്ണി മുകുന്ദന്റെ ‘മേപ്പടിയാന്‍’ സിനിമയുടെ ഷൂട്ടിംഗ് പൂര്‍ത്തിയായി. ഇതോടെ തന്റെ പുതിയ ലുക്ക് വെളിപ്പെടുത്തി താരം സോഷ്യല്‍ മീഡിയയില്‍ എത്തി. ജയകൃഷ്ണന്‍ എന്ന കഥാപാത്രമാണ് മേപ്പടിയാനില്‍ ഉണ്ണി മുകുന്ദന്‍ അവതരിപ്പിക്കുന്നത്. കഥാപാത്രത്തിനായി താടിയും മീശയും ഉണ്ണി നീട്ടി വളര്‍ത്തിയിരുന്നു. ഇതു രണ്ടും എടുത്തുകൊണ്ടുള്ള ചിത്രമാണ് ഇപ്പോള്‍ താരം സോഷ്യല്‍ മീഡിയയിലൂടെ പുറത്തുവിട്ടിരിക്കുന്നത്. ഉണ്ണി മുകുന്ദന്‍ ഫിലിംസ് ആദ്യമായി നിര്‍മ്മിക്കുന്ന ചിത്രമാണ് മേപ്പടിയാന്‍.
ഫാമിലി എന്റര്‍ടെയ്‌നറായി ഒരുങ്ങുന്ന ചിത്രം ജയകൃഷ്ണന്‍ എന്നൊരു സാധാരണക്കാരന്റെ ജീവിതമാണ് പറയുക. പാലായിലും പരിസര പ്രദേശങ്ങളിലുമായി ഷൂട്ട് ചെയ്ത സിനിമയുടെ ചിത്രീകരണം കൊറോണ ലോക്ഡൗണിനെ തുടര്‍ന്ന് നീണ്ടു പോയിരുന്നു. വിജയദശമി ദിനത്തിലാണ് ഷൂട്ടിംഗ് പുനരാരംഭിച്ചത്.
സിനിമയില്‍ ഇന്ദ്രന്‍സ്, സൈജു കുറുപ്പ്, അജു വര്‍ഗ്ഗീസ്, കലാഭവന്‍ ഷാജോണ്‍, അഞ്ജു കുര്യന്‍, നിഷ സാരംഗ്, അപര്‍ണ ജനാര്‍ദ്ദനന്‍, കുണ്ടറ ജോണി, മേജര്‍ രവി, ശ്രീജിത്ത് രവി, കോട്ടയം രമേഷ്, പൗളി വല്‍സന്‍, കൃഷ്ണപ്രസാദ്, മനോഹരി അമ്മ തുടങ്ങി നിരവധി താരങ്ങളും വേഷമിടുന്നുണ്ട്.
പ്രതികരിക്കാൻ ഇവിടെ എഴുതുക: