ആലപ്പുഴ :എല്‍ഡിഎഫ് വന്നു എല്ലാം ശരിയായി എന്നല്ല എല്ലാം ഒരു വഴിക്കാക്കി എന്ന് വേണം പറയാനെന്ന് സുരേഷ് ഗോപി എംപി. ഹരിപ്പാട് നഗരസഭയിലെ എന്‍ഡിഎ സ്ഥാനാര്‍ത്ഥി സംഗമം ഉദ്ഘാടനം ചെയ്ത് സംസാരിക്കവേയാണ് ഇക്കാര്യം അറിയിച്ചത്. എല്‍ഡിഎഫും യുഡിഎഫും ജനങ്ങളുടെ ശത്രുക്കളാണ്. പൊതു ജനങ്ങള്‍ അത് മനസ്സിലാക്കണം.
അന്തിച്ചര്‍ച്ചകളില്‍ ഇടത് വക്താക്കള്‍ പരാജയപ്പെട്ടു പോകുന്നു. ഇത് അവരുടെ രാഷ്‌ട്രീയ പ്രത്യയശാസ്ത്രത്തില്‍ തന്നെ സംഭവിച്ച അപാകതയാണ്. ജനങ്ങള്‍ കണ്ടെത്തിയ ശത്രുക്കളായ എല്‍ഡിഎഫിനേയും യുഡിഎഫിനേയും തുടച്ചു നീക്കുവാനുള്ള അവസരം എല്ലാവരും പ്രയോജനപ്പെടുത്തണം. ഇത്തവണ ബിജെപിക്ക് മുന്നേറാന്‍ കഴിയുമെന്നാണ് പ്രതീക്ഷിക്കുന്നതെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: