കോഴിക്കോട്: എന്‍ഡിഎയെ തോല്‍പ്പിക്കാന്‍ കോഴിക്കോട് കോര്‍പ്പറേഷനില്‍ ഇടതു – വലതു സഖ്യമെന്ന് ബിജെപി സംസ്ഥാന ജനറല്‍ സെക്രട്ടറി എം.ടി. രമേശ്. കോഴിക്കോട് കോര്‍പ്പറേഷന്‍ എന്‍ഡിഎ തെരഞ്ഞെടുപ്പ് കമ്മറ്റി ഓഫീസ് ഉദ്ഘാടന ചടങ്ങില്‍ സംസാരിക്കുകയായിരുന്നു അദ്ദേഹം. എന്‍ഡിഎ സ്ഥാനാര്‍ത്ഥികള്‍ വിജയിക്കുമെന്ന് ഉറപ്പിച്ച വാര്‍ഡുകളിലാണ് അവിശുദ്ധസഖ്യം.
മുസ്ലീംലീഗ് നേതാക്കളും സിപിഎം നേതാക്കളും തമ്മില്‍ ഒരു വ്യവസായിയുടെ സാന്നിദ്ധ്യത്തില്‍ ചര്‍ച്ച നടത്തിയിട്ടുണ്ട്. എല്‍ഡിഎഫിനെ വീണ്ടും ഭരണത്തില്‍ എത്തിക്കാനാണോ ലീഗും യുഡിഎഫും ശ്രമിക്കുന്നതെന്ന് വ്യക്തമാക്കണം. കോര്‍പ്പറേഷനില്‍ ബിജെപി നേതൃത്വം നല്‍കുന്ന എന്‍ഡിഎയും സിപിഎം നേതൃത്വം നല്‍കുന്ന എല്‍ഡിഎഫും തമ്മിലാണ് മത്സരമെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: