കോഴിക്കോട്: കോഴിക്കോട് കോര്‍പ്പറേഷന്‍ 51-ാം വാര്‍ഡ് എന്‍ഡിഎ സ്ഥാനാര്‍ത്ഥി എന്‍. സതീഷ് കുമാറിന്റെ തെരഞ്ഞെടുപ്പ് പ്രചരണത്തിനായി തയ്യാറാക്കിയ ബാഹുബലി വീഡിയോ വൈറല്‍. ബാഹുബലി സിനിമയില്‍ നിന്നുള്ള രംഗങ്ങള്‍ ഉപയോഗിച്ചാണ് വീഡിയോ തയ്യാറാക്കിയിരിക്കുന്നത്.
സാമൂഹിക മാധ്യമങ്ങള്‍ വഴിയുള്ള പ്രചരണം കൊഴുത്തപ്പോഴാണ് സ്ഥാനാര്‍ത്ഥിയെ ബാഹുബലിയാക്കി അവതരിപ്പിച്ചത്. രക്ഷകനായ ബാഹുബലിയായി വീഡിയോയില്‍ സ്ഥാനാര്‍ത്ഥി എത്തുകയാണ്. ബേപ്പൂര്‍ പോര്‍ട്ട് വാര്‍ഡില്‍ നിന്ന് കഴിഞ്ഞ തവണ ജയിച്ച സതീഷ്‌കുമാര്‍ ഇത്തവണ പുഞ്ചപ്പാടം വാര്‍ഡില്‍ നിന്നാണ് ജനവിധി തേടുന്നത്.
വാര്‍ഡില്‍ നടത്തിയ വികസനപ്രവര്‍ത്തനങ്ങള്‍ കൊണ്ട് ഏവര്‍ക്കും പ്രിയങ്കരനായ സതീഷ്‌കുമാര്‍ പുഞ്ചപ്പാടത്ത് ജയം ഉറപ്പിച്ചുകഴിഞ്ഞു. വീഡിയോ വൈറലായ സന്തോഷത്തിലാണ് സ്ഥാനാര്‍ത്ഥിയും സഹപ്രവര്‍ത്തകരായ അണിയറ പ്രവര്‍ത്തകരുമിപ്പോള്‍.
പ്രതികരിക്കാൻ ഇവിടെ എഴുതുക: