പത്തനാപുരം: വീടിന്റെ കാര്പോര്ച്ചിലിട്ട എസ്ഐയുടെ കാറും ഇരുചക്രവാഹനവും കത്തിനശിച്ച നിലയില്. ശക്തികുളങ്ങര സ്റ്റേഷനിലെ ക്രൈം എസ്ഐ മാലൂര് വട്ടക്കാല ദാറുല് അമാനില് ഷാജഹാന്റെ കാറും ഇരുചക്രവാഹനവുമാണ് അഗ്നിക്കിരയായത്. ഇന്നലെ പുലര്ച്ചെ 4.30നായിരുന്നു സംഭവം.
കാറിന്റെ അലാറം കേട്ടാണ് വീട്ടുകാര് ഉണര്ന്നത്. വലിയ രീതിയില് തീയും പുകയും ഉയര്ന്നു. സാമൂഹ്യവിരുദ്ധരാകാം സംഭവത്തിന് പിന്നിലെന്നാണ് സംശയം. പത്തനാപുരം പോലീസ് കേസെടുത്ത് അന്വേഷണം ആരംഭിച്ചു. ഡോഗ് സ്ക്വാഡും ശാസ്ത്രീയ പരിശോധനസംഘവും തെളിവെടുപ്പ് നടത്തി.
