തൃശൂര്‍: ജില്ലയില്‍ 703 പേര്‍ക്ക് കൂടി കൊവിഡ് സ്ഥിരീകരിച്ചു. 680 പേര്‍ക്കും സമ്പര്‍ക്കത്തിലൂടെയാണ് രോ ഗബാധ. കൂടാതെ നാല് ആരോഗ്യ പ്രവര്‍ത്തകര്‍ക്കും, പുറത്തുനിന്ന് എത്തിയ ഏഴ് പേര്‍ക്കും, രോഗ ഉറവിടം അറിയാത്ത 12 പേര്‍ക്കും രോഗബാധ ഉണ്ടായിട്ടുണ്ട്. 793 പേര്‍ രോഗമുക്തരായി. ഇതോടെ രോഗബാധിതരായി ചികിത്സയില്‍ കഴിയുന്നവരുടെ എണ്ണം 7812. 5224 പേര്‍ വീടുകളില്‍ ചികിത്സയില്‍ കഴിയുന്നുണ്ട്. തൃശൂര്‍ സ്വദേശികളായ 89 പേര്‍ മറ്റു ജില്ലകളില്‍ ചികിത്സയിലുണ്ട്.
ജില്ലയില്‍ ഇതുവരെ കൊവിഡ്് സ്ഥീരികരിച്ചത് 52766 പേര്‍ക്കാണ്. 44559 പേരെ ആകെ രോഗമുക്തരായി ആശുപത്രിയില്‍ നിന്ന് ഡിസ്ചാര്‍ജ്ജ് ചെയ്തു.
676 പേര്‍ പുതിയതായി ചികിത്സയില്‍ പ്രവേശിച്ചതില്‍ 196 പേര്‍ ആശുപത്രിയിലും 480 പേര്‍ വീടുകളിലുമാണ്. മൊത്തം 6859 സാമ്പിളുകളാണ് പരിശോധനയ്‌ക്ക് എടുത്തത്.
ഇതില്‍ 5707 പേര്‍ക്ക് ആന്റിജെന്‍ പരിശോധനയും 959 പേര്‍ക്ക് ആര്‍ടി-പിസിആര്‍ പരിശോധനയും 193 പേര്‍ക്ക് ട്രുനാറ്റ്,സിബിനാറ്റ് പരിശോധനയുമാണ് നടത്തിയത്. ജില്ലയില്‍ ഇതുവരെ ആകെ 4,05,674 സാമ്പിളുകളാണ് പരിശോധനയ്‌ക്ക് അയച്ചത്.
പ്രതികരിക്കാൻ ഇവിടെ എഴുതുക: