ഡെറാഡൂണ്‍: ഉത്തരാഖണ്ഡിലെ പ്രശസ്തമായ ഗംഗോത്രി ക്ഷേത്രം അടച്ചു. ശൈത്യകാലം ആരംഭിച്ചതിനെ തുടര്‍ന്നാണ് ക്ഷേത്രം അടച്ചത്. ഉച്ചയ്‌ക്ക് 12.15 ന് നടത്തിയ അന്നകൂട് ഗോവര്‍ദ്ധന്‍ പൂജയ്‌ക്ക് ശേഷമാണ് ക്ഷേത്രം അടച്ചത്.
തുടര്‍ന്ന്, ക്ഷേത്രത്തിലെ പ്രതിഷ്ഠയായ ഗംഗാ ദേവിയുടെ വിഗ്രഹം പൂത്താലത്തില്‍ മുഖ്ബാ ഗ്രാമത്തിലേക്കു മാറ്റി. ശൈത്യകാലം കഴിയുന്നതു വരെ ഇവിടെയായിരിക്കും പൂജകള്‍. കോവിഡിനെ തുടര്‍ന്ന് ഈ വര്‍ഷം വൈകി തുറന്ന ക്ഷേത്രത്തില്‍ 23,500 പേരാണ് ദര്‍ശനത്തിന് എത്തിയത്.
ഹിമാലയ പര്‍വ്വത പ്രദേശത്തില്‍ പെട്ട ഈ പ്രദേശം സമുദ്രനിരപ്പില്‍ നിന്നും 3100 മീറ്റര്‍ ഉയരത്തിലാണ് സ്ഥിതി ചെയ്യുന്നത്. ഗംഗോത്രി ക്ഷേത്രം സ്ഥിതിചെയ്യുന്ന ഡെറാഡൂണ്‍ അടങ്ങുന്ന ഉത്തര്‍കാശി മേഖലയുടെ സുരക്ഷാ ചുമതല ഇന്തോ-ടിബറ്റന്‍ സൈനിക വിഭാഗത്തിനാണ്. ഇന്ത്യാ-ചൈന അതിര്‍ത്തിയുടെ ഭാഗമെന്ന നിലയിലും ഗംഗോത്രി മേഖല വളരെ തന്ത്രപ്രധാന തീര്‍ത്ഥാടന കേന്ദ്രമാണ്.
പ്രതികരിക്കാൻ ഇവിടെ എഴുതുക: