തിരുവനന്തപുരം: മദനിയുടെ വിശ്വസ്തനും പിഡിപി നേതാവുമായ പൂന്തുറ സിറാജ് ഐഎന്‍എല്ലില്‍ ചേര്‍ന്നു. തിരുവനന്തപുരത്ത് നടന്ന പരിപാടിയിലാണ് സിറാജ് ഐഎന്‍എല്‍ അംഗത്വം സ്വീകരിച്ചത്. തിരുവനന്തപുരം കോര്‍പ്പറേഷനില്‍ ഐഎന്‍എല്ലിന് നീക്കിവെച്ചിട്ടുള്ള സീറ്റില്‍ പൂന്തുറ സിറാജ് ഇടതുപക്ഷ സ്ഥാനാര്‍ഥിയായി മത്സരിക്കും.
മദനിക്കായി ഇത്രയും നാള്‍ പോരാടി, ഐഎന്‍എല്ലില്‍ നിന്നുകൊണ്ട് ഇനി ആ പോരാട്ടം തുടരും. സ്ഥാനമാനങ്ങള്‍ മോഹിച്ചല്ല പാര്‍ട്ടി മാറുന്നത്. നാടിന്റെ മതേതര കാഴ്ചപ്പാടിനൊപ്പം നിലനില്‍ക്കുമെന്നും സിറാജ് ഐഎല്‍എല്‍ അംഗത്വം സ്വീകരിച്ചുകൊണ്ട് പറഞ്ഞു.
തിരുവനന്തപുരം കോര്‍പ്പറേഷന്‍ തെരെഞ്ഞെടുപ്പില്‍ സിപിഎം 70 സീറ്റുകളിലാണ് മത്സരിക്കുക. 21 സീറ്റില്‍ സിപിഐയും കോണ്‍ഗ്രസ് എസ്, ഐഎന്‍എല്‍, എന്‍സിപി എന്നീ പാര്‍ട്ടികള്‍ ഓരോ സീറ്റില്ും മത്സരിക്കും. ജനാധിപത്യ കേരളാ കോണ്‍ഗ്രസിനും കേരളാ കോണ്‍ഗ്രസ് ജോസ് വിഭാഗം എന്നിവര്‍ക്ക് ആകെ ആറു സീറ്റുകളും നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: