വാഷിങ്ടൺ ഡിസി: അധികാരക്കൈമാറ്റം അംഗീകരിക്കുന്ന ജനറൽ സർവീസ്റ്റ് അഡ്മിനിസ്ട്രേഷൻ വിഭാഗം (G.SA ) മാധ്യമങ്ങൾ വിജയിയായി പ്രഖ്യാപിച്ച ബൈഡൻ – കമലഹാരിസ് ടീമിന് അധികാരം കൈമാറണമെന്ന അപേക്ഷയെ എതിർക്കുകയും വിജയിയെ ഔദ്യോഗികമായി പ്രഖ്യാപിക്കുന്നതുവരെ കാത്തിരിക്കുകയും വേണമെന്ന് ആവശ്യപ്പെടുകയും ചെയ്തു.
നിയമവിധേയമായി മാത്രമേ അഡ്മിനിസ്ട്രേഷൻ നടപടികൾ കൈക്കൊള്ളാനാവൂ എന്നാണ് ഔദ്യോഗിക വക്താവ് പ്രതികരിച്ചത്. ഭരണഘടനാപരമായി വിജയിയാരെന്ന് പ്രഖ്യാപിച്ചതിനു ശേഷം അധികാര കൈമാറ്റത്തിനുള്ള പ്രോസസ്സ് ആരംഭിക്കുമെന്ന് ജി.എസ്.എ അഡ്മിനിസ്ട്രേറ്റർ എമിലി മർഫി അറിയിച്ചു.
പ്രധാന വാർത്താ ചാനലുകൾ ശനിയാഴ്ച തന്നെ ബൈഡന്റെ വിജയം പ്രഖ്യാപിച്ചിരുന്നുവെങ്കിലും പ്രസിഡന്റ് ഡൊണൾഡ് ട്രംപ് പരാജയം സമ്മതിക്കാൻ വിസമ്മതിച്ചിരുന്നു. വോട്ടെടുപ്പിൽ വ്യാപക തിരിമറി നടന്നിട്ടുണ്ടെന്നായിരുന്നു ട്രംപിന്റെ പരാതി. ജിഎസ്എ ഗവൺവെന്റിൽ നിന്നും തിരഞ്ഞെടുപ്പിന്റെ പൂർണ വിവരങ്ങൾ ലഭിച്ചതിനു ശേഷേഷമേ അധികാര കൈമാറ്റത്തെക്കുറിച്ച് നടപടികൾ ആരംഭിക്കുകയുളളുവെന്ന് അഡ്മിനിസ്ട്രേറ്റർ എമിലി പറഞ്ഞു.
ജി.എസ്.എ അധികാര കൈമാറ്റം നിഷേധിച്ചതോടെ ബൈഡന്റെ ട്രാൻസിഷൻ അംഗങ്ങൾക്ക് ശമ്പളവും യാത്രാബത്തയും ലഭിക്കുന്നതിനും നിയമ തടസ്സമുണ്ട്.
ജന്മഭൂമി ഓണ്ലൈന്