ദുബായ്: മലയാളികളുടെ അഭിമാനതാരം സഞ്ജു സാംസണെ പ്രശംസിച്ച് ക്രിക്കറ്റ് ഇതിഹാസം ബ്രയാന്‍ ലാറ. സഞ്ജു അതിശയിപ്പിക്കുന്ന കഴിവുകളുള്ള മികച്ച ബാറ്റ്‌സ്മാന്‍ ആണെന്ന് ലാറ പറഞ്ഞു. സഞ്ജുവിന്റെ കഴിവിനെ താന്‍ ഇഷ്ടപ്പെടുന്നു. അതിശയകരമായ ടൈംമിങ്ങുള്ള കളിക്കാരനാണ്. ഉയരങ്ങളില്‍ എത്താന്‍ സാധിക്കുന്ന താരമാണെന്നും ലാറ പറഞ്ഞു.
സഞ്ജു ബാറ്റിംഗ് ശൈലിയോടുള്ള നീരസവും ലാറ കൂട്ടിചേര്‍ത്തു. സഞ്ജുവിന്റെ ബാറ്റിംഗ് രീതി എല്ലായിപ്പോഴും താന്‍ ഇഷ്ടപ്പെടുന്നില്ലായെന്നും ലാറ പറഞ്ഞു.
ഐപിഎല്‍ സീസണില്‍ തനിക്കിഷ്ടപ്പെട്ട താരങ്ങളെ കുറിച്ച് പരാമര്‍ശിക്കവെയാണ് സഞ്ജുവിന്റെ കഴിവിനെ ക്രിക്കറ്റ് ഇതിഹാസം പ്രശംസിച്ചത്. ദേവ്ദത്ത് പടിക്കല്‍, സൂര്യകുമാര്‍ യാദവ്, കെ.എല്‍ രാഹുല്‍, പ്രിയം ഗാര്‍ഗ്, അബ്ദുല്‍ സമദ് എന്നിവരാണ് ലാറയുടെ ഇഷ്ടം പിടിച്ചുപറ്റിയ മറ്റു ഇന്ത്യന്‍ ബാറ്റ്‌സ്മാന്‍മാര്‍.
പ്രതികരിക്കാൻ ഇവിടെ എഴുതുക: