പാലാ : മലയാളത്തിന്റെ പിയനടനും എംപിയുമായ സുരേഷ് ഗോപി പാലാ അമലോത്ഭവ കുരിശുപള്ളി മാതാവിന്റെ തിരുസന്നിധിയില് പ്രാര്ത്ഥിക്കാനെത്തി. മാതാവിനോടുള്ള വിശ്വാസത്തിന്റെ ഭാഗമായാണ് സുരേഷ് ഗോപി ഇവിടേയ്ക്ക് എത്തിയത്. പുതിയ ചിത്രമായ കാവലന്റെ ചിത്രീകരണം പൂര്ത്തിയാക്കി മടങ്ങുകയായിരുന്നു അദ്ദേഹം.
സൂപ്പര് ഹിറ്റ് വിജയം നേടിയ ലേലം എന്ന സിനിമയുടെ ചിത്രീകരണ സമയത്താണ് സുരേഷ് ഗോപി ആദ്യമായി കുരിശുപള്ളി മാതാവിനടുത്തെത്തിയത്. അതിനു ശേഷം പാലായില് വരുമ്പോഴൊക്കെ മാതാവിന്റെ അടുത്തെത്തി പ്രാര്ത്ഥിച്ച് മെഴുകുതിരി കത്തിക്കുന്നത് പതിവാണ്.
കുരിശുപള്ളിയിലെ പ്രാര്ത്ഥനക്കു ശേഷം പാലാ കിഴതടിയൂര് പള്ളിയിലും എത്തി പ്രാര്ത്ഥിച്ച ശേഷമാണ് സുരേഷ് ഗോപി മടങ്ങിയത്. അടുത്തതായി ചിത്രീകരണം ആരംഭിക്കുന്ന ‘ഒറ്റക്കൊമ്പന്’ എന്ന സിനിമയുടെ സംവിധായകന് മാത്യൂസ് തോമസ്, സുരേഷ് ഗോപിയുടെ കുടുംബ സുഹൃത്തും പൊതു പ്രവര്ത്തകനുമായ ബിജു പുളിക്കകണ്ടം എന്നിവരും അദ്ദേഹത്തിനൊപ്പമുണ്ടായിരുന്നു. പാലായിലും പരിസരങ്ങളിലുമായാണ് ഒറ്റക്കൊമ്പന് ചിത്രീകരിക്കുന്നത്.
