കൊല്ലം: പുല്ലിച്ചിറ കോവിച്ചിറയില് തോട്ടില്വീണ പശുവിനെ കേരള ഫയര് ആന്റ് റെസ്ക്യൂ സര്വീസസ് കൊല്ലം കടപ്പാക്കട നിലയത്തിലെ അഗ്നിരക്ഷാപ്രവര്ത്തകരും സിവില് ഡിഫെന്സ് ഫോഴ്സ് അംഗങ്ങളും ചേര്ന്നു രക്ഷപ്പെടുത്തി. കോവിച്ചിറ വയലില് വീട്ടില് സുഷമയുടെ പശുവാണ് രാവിലെ തോട്ടില് വീണത്. നാട്ടുകാര് രക്ഷിക്കാന് ശ്രമിച്ചെങ്കിലും ഫലമുണ്ടായില്ല. ഒടുവില് ഫയര്ഫോഴ്സിന്റെ സേവനം ആവശ്യപ്പെട്ടു.
അതതനുസരിച്ചു രക്ഷാപ്രവര്ത്തനം നടത്തുകയായിരുന്നു. ഫയര് ആന്റ് റെസ്ക്യൂ സര്വീസസ് കടപ്പാക്കട നിലയത്തിലെ എഎസ്ടിഓ മാരായ ദിലീപ്, ഡൊമിനിക് എഡ്മണ്ട്, ഫയര് ഓഫീസര്മാരായ ശരത്, അജു, മനു കുമാര്, ദീപക്, ഷഹാദ്, രാധാകൃഷ്ണന് നായര്, സിവില് ഡിഫെന്സ് വാര്ഡന് ഷിബു റാവുത്തര് എന്നിവര് രക്ഷാപ്രവര്ത്തനത്തിനു നേതൃത്വം നല്കി.
