തിരുവനന്തപുരം: കോണ്ഗ്രസുമായുള്ള സിപിഎമ്മിന്റെ സഖ്യം കച്ചവടമെന്ന് പരസ്യമായി പറഞ്ഞ് പ്രതിപക്ഷ നേതാവ് രമേശ് ചെന്നിത്തല.
‘കോണ്ഗ്രസുമായി സഖ്യത്തിന് തക്കം നോക്കി നില്ക്കുകയായിരുന്നു സീതാറാം യെച്ചൂരി. കോണ്ഗ്രസുമായി സഖ്യമുറപ്പിക്കാന് എതിര് നിന്നത് കേരളത്തിലെ സിപിഎമ്മായിരുന്നു. തക്കം നോക്കി യെച്ചൂരി അവിടെ കച്ചവടമുറപ്പിച്ചു’ എന്നാണ് ബംഗാളിലെ സിപിഎം- കോണ്ഗ്രസ് സഖ്യത്തെക്കുറിച്ച് ചെന്നിത്തല പറഞ്ഞത്. മുഖ്യമന്ത്രി രാജിവെയ്ക്കണമെന്നാവശ്യപ്പെട്ട് യുഡിഎഫ് സെക്രട്ടറിയേറ്റിന് മുന്നില് നടത്തിയ വഞ്ചനാ ദിനം ഉദ്ഘാടനം ചെയ്യുകയായിരുന്നു ചെന്നിത്തല.
കേരളത്തിലെ രാഷ്ട്രീയം പറയാന് ഇവിടെ ആളുകളുണ്ടെന്നും രാഹുല് ഗാന്ധി ദേശീയ രാഷ്ട്രീയം പറഞ്ഞാല് മതിയെന്നുമുള്ള ചെന്നിത്തലയുടെ പ്രസ്താവന വിവാദമായിരുന്നു.
