കൊല്ലം: ബിസിനസ് യാത്രകളില് കണ്ണില് പതിഞ്ഞ ചിത്രങ്ങള് ക്യാമറകളില് പതിപ്പിച്ച സതീഷ് നായരെ തേടി രാജ്യാന്തര അവാര്ഡ് എത്തി. ഇന്റര്നാഷണല് ഫോട്ടോഗ്രാഫി അവാര്ഡ്സ്(ഐപി
എ) നോണ് പ്രൊഫഷണല് (ആര്ക്കി ടെക്ച്ചര്/ഹിസ്റ്റോറിക്കല്) വിഭാഗത്തിലാണ് കൊല്ലം സ്വദേശി ജി. സതീഷ് നായര്ക്ക് രണ്ടാം സ്ഥാനം ലഭിച്ചത്. കൊല്ലം കേന്ദ്രമാക്കിയുള്ള ഇന്ത്യ ഫുഡ്സ് എക്സ്പോര്ട്സ് കമ്പനി ചീഫ് എക്സിക്യൂട്ടിവ് ഓഫീസര് ആണ് സതീഷ് നായര്. 2019ലെ ന്യൂയോര്ക്ക് സന്ദര്ശത്തിനിടെ പകര്ത്തിയ സ്റ്റാച്യു ഓഫ് ലിബര്ട്ടിയുടെ ഫോട്ടോക്കാണ് അവാര്ഡ്. ഇതുകൂടാതെ അദ്ദേഹത്തിന്റെ വിവിധ ചിത്രങ്ങള്ക്ക് പ്രതേക ജൂറി പരാമര്ശവും ലഭിച്ചു.
കുട്ടിക്കാലത്ത് തുടങ്ങിയ കമ്പം വലുതായപ്പോഴും സതീഷ് നായര് ഒപ്പം കൂട്ടുകയായിരുന്നു. ബിസിനസ് യാത്രകള്ക്കിടയില് വിദേശരാജ്യങ്ങളില് എത്തുന്ന സതീഷ് തിരക്കുകള്ക്ക് ഇടയില് ചിത്രങ്ങള് പകര്ത്താന് ശ്രമിക്കുമായിരുന്നു. 2017 ലെ സൂര്യ ഫെസ്റ്റില് സതീഷ് നായരുടെ നുറോളം ചിത്രങ്ങളുടെ എക്സിബിഷന് ശ്രദ്ധേയമായിരുന്നു. പ്രമുഖ വ്യവസായി കെ. രവീന്ദ്രനാഥന് നായരുടെ മകള് പ്രീതയാണ് ഭാര്യ. അര്ജുന്, ഭരത്, ആഹ്ലാദിനി എന്നിവര് മക്കളാണ്.
