കൊല്ലം: വിനോദസഞ്ചാരത്തിന് മുതല്ക്കൂട്ടായി ജലഗതാഗത വകുപ്പിന്റെ വാട്ടര് ടാക്സികളിലൊന്ന് കൊല്ലം ജില്ലയ്ക്ക് ലഭിക്കാന് സാധ്യത. നാലു വാട്ടര് ടാക്സികളാണ് ജലഗതാഗത വകുപ്പിനുള്ളത്. അതിലൊന്ന് ആലപ്പുഴയില് സര്വീസ് ആരംഭിച്ച് കഴിഞ്ഞു. ബാക്കിയുള്ള മൂന്നെണ്ണത്തില് ഒരെണ്ണമാണ് കൊല്ലത്തിന് ലഭിക്കാന് സാധ്യത.
വാട്ടര്ടാക്സി വന്നാല് അഷ്ടമുടി കായലിന്റെ സൗന്ദര്യം ആസ്വദിക്കാന് കൂടുതല്സഞ്ചാരികള് എത്തുമെന്നാണ് അധികൃതരുടെ പ്രതീക്ഷ. അര മണിക്കൂറിന് 750 രൂപയാണ് കുറഞ്ഞ വാടക. പിന്നീടുള്ള അഞ്ച് മിനിറ്റിന് 125 രൂപയാകും. ഒരു മണിക്കൂറിന് 1,500 രൂപ. പത്തുപേര് ചേര്ന്ന് വാടകയ്ക്ക് എടുക്കാനണ്ടും കഴിയും.
ഓണ്ലൈന് ടാക്സികളുടെ മാതൃകയില് സഞ്ചാരികള് നണ്ടില്ക്കുന്ന കായലോരത്തേക്ക് വരുമെന്നതാണ് വാട്ടര് ടാക്സിയുടെ പ്രത്യേകത. ഫൈബര് ഉപയോഗിച്ചാണ് വാട്ടര് ടാക്സിയുടെ ചട്ടക്കൂട് നിര്മിച്ചിരിക്കുന്നത്. സ്രാങ്കിനും ലാസ്കര്ക്കും പണ്ടുറമെ പത്തുപേര്ക്ക് ഇരിക്കാം. മണിക്കൂറില് 14 നോട്ടിക്കല് മൈല് (25 കിലോമീറ്റര്) വേഗമുണ്ട്. ടാക്സിക്ക് പ്രത്യേകം മൊബൈല് നമ്പരുണ്ട്. ഈ നമ്പരില് ബന്ധപ്പെട്ട് സഞ്ചാരികള്ക്ക് ഓട്ടം വിളിക്കാം. കൊല്ലം ബോട്ട് ജെട്ടി കേന്ദ്രീകരിച്ചാകും സര്വീസ്. ടൂറിസ്റ്റുകള് അധികമായി ഇല്ലാത്ത സമയങ്ങളില് വാട്ടര് ടാക്സി ഉപയോഗിച്ച് ആലപ്പുഴ, എറുണാകുളം ഭാഗത്തേക്ക് പാസഞ്ചര് സര്വീസ് നടത്താനണ്ടും ആലോചനയുണ്ട്.
സജ്ജീകരണങ്ങളാല് ഏറെ പ്രത്യേകത നിറഞ്ഞതാണ്ഈ ബോട്ട്. സ്വീഡില്നിന്നെത്തിച്ച ഒഎക്സ്ഇ ഡീസല് എന്ജിനാണ് വാട്ടര് ടാക്സിക്ക് വേഗം പകരുന്നത്. പാണാവള്ളിയിലെ നവഗതി മറൈന് ഡിസൈന് ആന്ഡ് കണ്സ്ട്രക്ഷന്സാണ് സംസ്ഥാന ജലഗതാഗതവകുപ്പിനായി ബോട്ട് നിര്മിച്ചിട്ടുള്ളത്.
ഒരു സ്വിച്ചിട്ടാല് മതി എന്ജിന് വെള്ളത്തിലേക്കിറങ്ങി യാത്രയ്ക്കൊരുങ്ങും. വീഡിയോ ഗെയിം കളിക്കുന്ന ജോയ്സ്റ്റിക്ക് പേണ്ടാലെയൊന്ന് ഈ ബോട്ടിലുമുണ്ട്. ഇടത്തോട്ടിലും മറ്റും ബോട്ട് നിയന്ത്രിക്കുന്നതിന് ഉപയോഗിക്കുന്നതാണ് ഈ ജോയ്സ്റ്റിക്ക്. കായല് പ്രദേശങ്ങളിലേക്കെത്തുമ്പോള് മാത്രമാണ് പവര് സ്റ്റിയറിങ് ഉപയോഗിക്കുക. ബോട്ടിലെ മറ്റുപകരണങ്ങള് സൗരോര്ജത്തിലാണ് പ്രവര്ത്തിക്കുക. ഇതിനായി സൗരോര്ജ പാനല് ബോട്ടിന്റെ മുകളിലുണ്ട്. ലൈഫ് ബോയ്യും ജാക്കറ്റുമടക്കം എല്ലാ സുരക്ഷാ സംവിധാനങ്ങളും ബോട്ടിലുണ്ട്.
