കളമശേരി: എറണാകുളം മെഡിക്കല് കോളേജില് ജീവനക്കാരുടെ അനാസ്ഥ മൂലമാണ് കൊറോണ രോഗി മരിച്ചതെന്നുള്ള നഴ്സിങ് സൂപ്രണ്ടിന്റെ വെളിപ്പെടുത്തലിനെ തുടര്ന്ന് കാരണക്കാരായ ഡോക്ടര്മാര്ക്കെതിരെ നടപടി ആവശ്യപ്പെട്ട് ബിജെപിയുടെ പ്രതിഷേധം.
ബിജെപി കളമശേരി മണ്ഡല കമ്മിറ്റിയുടെ നേതൃത്വത്തില് ആരോഗ്യ മന്ത്രി ശൈലജ, ആര്എംഓ ഗണേഷ് മോഹന്റെയും കോലം കത്തിച്ചു. കൊറോണ പ്രതിരോധത്തില് കേരളം ഒന്നാം സ്ഥാനത്താണെന്ന് കൊട്ടിയാഘോഷിക്കുമ്പോള് ഇത് പോലുള്ള ഞെട്ടിക്കുന്ന വിവരങ്ങള് കേരള ജനതയ്ക്ക് അപമാനകരമാണെന്ന് കളമശേരി മണ്ഡലം കമ്മിറ്റി പ്രസിഡന്റ് ഷാജി മൂത്തേടന് പറഞ്ഞു.
എറണാകുളത്ത് മെഡിക്കല് കോളേജ് തുടങ്ങിയ അന്ന് മുതല് നിരവധി ചികിത്സാ പിഴവുകള്ക്കെതിരെ ഒരു നിയമ നടപടിയും മെഡിക്കല് കോളേജിന്റെയോ സര്ക്കാരിന്റെ ഭാഗത്ത് നിന്നോ ഉണ്ടായിട്ടില്ല. മണ്ഡലം ജനറല് സെക്രട്ടറി പ്രമോദ് കുമാര് തൃക്കാക്കര, ജില്ലാ സെക്രട്ടറി ആ. സജികുമാര്, കളമശേരി മുനിസിപ്പല് പ്രസിഡന്റ് പി.വി. വിനോദ് കുമാര് എന്നിവര് സംസാരിച്ചു. ബിജെപി കളമശേരി മുനിസിപ്പല് ജനറല് സെക്രട്ടറി സുധീര് .പി.എസ്, കര്ഷക മോര്ച്ച മണ്ഡലം പ്രസിഡന്റ് രാജീവ്, മണ്ഡലം സെക്രട്ടറി സജീവ് പൂങ്കുടി, രതീഷ് തുടങ്ങിയവര് നേതൃത്വം നല്കി.
