അബുദാബി : യുഎഇയില് ആശങ്ക ഒഴിയുന്നില്ല. ശനിയാഴ്ച്ച കോവിഡ് സ്ഥിരീകരിച്ചവരുടെ എണ്ണത്തില് വന് വര്ദ്ധനവ്. 1,538 പേര്ക്കാണ് ശനിയാഴ്ച്ച പുതുതായി കൊവിഡ് സ്ഥിരീകരിച്ചത്. ഏറ്റവും ഉയര്ന്ന പ്രതിദിന കണക്കാണിത്. നാല് പേര് മരണപ്പെട്ടു. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 114,387ഉം, മരണസംഖ്യ 459ഉം ആയതായി യുഎഇ ആരോഗ്യ പ്രതിരോധ മന്ത്രാലയം അറിയിച്ചു.
1,411 പേര് കൂടി സുഖം പ്രാപിച്ചതോടെ രോഗമുക്തരുടെ എണ്ണം 106,354 ആയി ഉയര്ന്നു. നിലവില് 7,574 പേര് ചികിത്സയിലാണ്. 130,567 പരിശോധനകള് കൂടി പുതുതായി നടത്തിയതോടെ ഇതുവരെ 11.44 ദശലക്ഷത്തിലധികം കൊവിഡ് പരിശോധനകള് രാജ്യത്ത് നടത്തിയിട്ടുണ്ടെന്ന് യുഎഇ ആരോഗ്യ പ്രതിരോധ മന്ത്രാലയം വ്യക്തമാക്കി.
