വളയം: സേവാഭാരതി ഓഫീസ് തീവെച്ച് നശിപ്പിച്ചു. നിരവുമ്മല് കുണ്ടുപൊയിലില് സേവാഭാരതിയുടെ കീഴിലുള്ള ശ്രീ ദുര്ഗാ ഗ്രാമസേവാസമിതി ഓഫീസാണ് ഇരുട്ടിന്റെ മറവില് സാമൂഹ്യദ്രോഹികള് തീവെച്ച് നശിപ്പിച്ചത്. ഇന്നലെ പുലര്ച്ചെയാണ് സംഭവം. ഓഫീസിന്റെ ബോര്ഡും അകത്തെ ഫര്ണിച്ചറുകളും കത്തിനശിച്ചിട്ടുണ്ട്. സംഭവത്തില് വളയം പോലീസില് പരാതി നല്കിയിട്ടും പോലീസ് കേസെടുക്കാന് തയ്യാറായിട്ടില്ല. കഴിഞ്ഞയാഴ്ച്ച റോഡരികില് നിര്ത്തിയിട്ടിരുന്ന ബിജെപി പ്രവര്ത്തകന്റെ കാറും അക്രമിച്ചിരുന്നു.
സേവാഭാരതി ഓഫീസ് തീവെച്ച് നശിപ്പിച്ചിട്ടും കേസെടുക്കാത്ത പോലീസ് നടപടിയില് വ്യാപക പ്രതിഷേധം. സംഭവത്തില് ബിജെപി പഞ്ചായത്ത് കമ്മറ്റി പ്രതിഷേധിച്ചു. സമാധാന അന്തരീക്ഷം നിലനില്ക്കുന്ന പ്രദേശത്ത് മനഃപൂര്വ്വം സംഘര്ഷം സൃഷ്ടിക്കാനുള്ള ശ്രമമാണ് നടക്കുന്നത്. അക്രമികള്ക്കെതിരെ ശക്തമായ നടപടി എടുക്കണമെന്നും ബിജെപി പഞ്ചായത്ത് കമ്മറ്റി ആവശ്യപ്പെട്ടു.
