കോഴിക്കോട്: ആചാരങ്ങള്‍ സംരക്ഷിക്കാന്‍ പട്ടികജാതി സമൂഹം ഒറ്റക്കെട്ടായി അണിനിരക്കുമെന്ന് സാധുജന പരിഷത്ത് സംസ്ഥാന പ്രസിഡണ്ട് രാമദാസ് വേങ്ങേരി പറഞ്ഞു. മാവൂര്‍ റോഡ് പരമ്പരാഗത ഹിന്ദു ശ്മശാന സംരക്ഷണ പ്രക്ഷോഭത്തിന്റെ ഭാഗമായി തിങ്കളാഴ്ച നടന്ന സായാഹ്ന പ്രതിഷേധം ഉദ്ഘാടനം ചെയ്യുകയായിരുന്നു അദ്ദേഹം.
ശ്മശാന തൊഴിലാളികളെ പട്ടിണിയിലാക്കി മുതലാളി താത്പ്പര്യം സംരക്ഷിക്കുന്നവര്‍ക്ക് ഈ സമരത്തിന് മുന്നില്‍ അടിയറവ് പറയേണ്ടി വരുമെന്നും അദ്ദേഹം കൂട്ടിച്ചേര്‍ത്തു. ഹിന്ദുഐക്യവേദി ജില്ലാ ജനറല്‍ സെക്രട്ടറി സതീഷ് മലപ്രം മുഖ്യപ്രഭാഷണം നടത്തി. കാരപ്പറമ്പ് മേഖല പ്രസിഡണ്ട് കെ. ഭാര്‍ഗവന്‍ അദ്ധ്യക്ഷനായി. പി.എ. ധര്‍മ്മരാജന്‍, ടി.എം. സജിത് എന്നിവര്‍ സംസാരിച്ചു.
ചൊവ്വാഴ്ച നടക്കുന്ന സായാഹ്ന പ്രതിഷേധം ആര്യ വൈശ്യ സമാജം അധ്യക്ഷന്‍ കെ. ചന്ദ്രശേഖരന്‍ ഉദ്ഘാടനം ചെയ്യും. സുബീഷ് ഇല്ലത്ത് ,സുദേവന്‍ മാളിക എന്നിവര്‍ പ്രസംഗിക്കും. ഹിന്ദുഐക്യവേദി പെരുവയല്‍ പഞ്ചായത്ത് കമ്മിറ്റി നേതൃത്വം നല്‍കും.
പ്രതികരിക്കാൻ ഇവിടെ എഴുതുക: