കോഴിക്കോട്: മാവൂര് റോഡ് ചാളത്തറ ശ്മശാന സംരക്ഷണ പ്രക്ഷോഭത്തിന്റെ ഭാഗമായി ഹിന്ദുഐക്യവേദി സംഘടിപ്പിക്കുന്ന സമരം മൂന്നാംഘട്ടത്തിലേക്ക്. ഷോഡശ സംസ്കാരത്തെ തകര്ക്കുന്ന കോര്പ്പറേഷന്റെ ഹിന്ദുവിരുദ്ധ ഭരണത്തിനെതിരെ 16 ദിവസം നീണ്ടു നില്ക്കുന്ന സായാഹ്ന പ്രതിഷേധത്തിന് ഇന്നലെ തുടക്കമായി.
ആചാര സംരക്ഷണത്തിനായി മഹിളാഐക്യവേദിയുടെ നേതൃത്വത്തില് ശ്മശാനത്തിന് മുന്വശത്ത് പ്രതിഷേധ ധര്ണ സംഘടിപ്പിച്ചു. മഹിളാഐക്യവേദി സംസ്ഥാന ഉപാദ്ധ്യക്ഷ സി.എസ്. സത്യഭാമ ഉദ്ഘാടനം ചെയ്തു. ജില്ലാ പ്രസിഡണ്ട് ഗംഗാദേവി അദ്ധ്യക്ഷയായി.
ഹിന്ദുഐക്യവേദി ജില്ലാ വൈസ് പ്രസിഡണ്ട് ബൈജു കൂമുള്ളി മുഖ്യപ്രഭാഷണം നടത്തി. മഹിളാഐക്യവേദി ജില്ലാ ജനറല് സെക്രട്ടറി ഗിരിജ കുന്ദമംഗലം, മഹിളാ ഐക്യവേദി കോഴിക്കോട് താലൂക്ക് പ്രസിഡണ്ട് റീന പെരുമണ്ണ എന്നിവര് സംസാരിച്ചു.
