തൃശൂര്: അന്തിക്കാട് ബിജെപി പ്രവര്ത്തകന് നിധിന് കൊല്ലപ്പെടുമെന്ന് സിപിഎം പ്രവര്ത്തകര് ദിവസങ്ങള്ക്ക് മുന്പേ പ്രവചിച്ചിരുന്നു. മൂന്ന് ദിവസത്തിനുള്ളില് തൃശൂരില് നിന്ന് സന്തോഷകരമായ വാര്ത്ത കേള്ക്കാമെന്ന് കണ്ണൂര് സ്വദേശിയായ സിപിഎം പ്രവര്ത്തകന്റെ ഫേസ്ബുക്ക് പോസ്റ്റ് സമൂഹ മാധ്യമങ്ങളില് പ്രചരിച്ചിരുന്നു.
പോലീസിനും ഇത് സംബന്ധിച്ച സൂചനകള് ഉണ്ടായിരുന്നു. ഒരു മുതിര്ന്ന പോലീസ് ഉദ്യോഗസ്ഥന് തന്നെ നിധിനോട് ഇക്കാര്യം പറഞ്ഞതായാണ് വിവരം. കൊലപാതകം നടത്തിയത് കണ്ണൂരില് നിന്നുള്ള സംഘമാണെന്ന സൂചനയുമുണ്ട്.
വെട്ടുകളുടെ രീതി, ആക്രമണത്തിന്റെ ശൈലി എന്നിവയെല്ലാം പരിശോധിക്കുമ്പോള് കണ്ണൂരില് നിന്നുള്ള കൊലയാളി സംഘമാണ് കൃത്യം നടത്തിയതെന്ന് സൂചനയുണ്ടെന്നാണ് അന്വേഷണ ഉദ്യോഗസ്ഥര് പറയുന്നത്.
