തിരുവനന്തപുരം: കഴക്കൂട്ടം ടെക്നോപാര്‍ക്കില്‍ എക്സൈസ് സംഘം നടത്തിയ പരിശോധനക്കിടെ ബോംബ് പൊട്ടിത്തെറിച്ചു. ഫേസ്-3യില്‍ കഴക്കൂട്ടം എക്സൈസ് സംഘം നടത്തിയ പരിശോധനക്കിടെയാണ് ബോംബ് പൊട്ടിത്തെറിച്ചത്. ടെക്നോപാര്‍ക്കിലെ വെയ്സ്റ്റ് ബിന്നില്‍ നിന്നാണ് ബോംബ് കണ്ടെത്തിയത്.കഞ്ചാവ് പൊതിയെന്ന് കരുതിയാണ് എക്സൈസ് സംഘം പരിശോധന നടത്തിയത്. സംശയത്തെത്തുടര്‍ന്ന് റോഡില്‍ എറിഞ്ഞപ്പോള്‍ ബോംബ് പൊട്ടിത്തെറിക്കുകയായിരുന്നു.
പൊട്ടിത്തെറിയില്‍ നിന്ന് എക്സൈസ് സംഘം അത്ഭുതകരമായി രക്ഷപെട്ടു. ടെക്നോപാര്‍ക്കില്‍ ഒഴിഞ്ഞ് കിടന്ന കണ്ടെയ്നറില്‍ നിന്ന് 80 ലിറ്റര്‍ ചാരായവും കണ്ടെത്തി. രഹസ്യ വിവരത്തെ തുടര്‍ന്ന് എക്സൈസ് നടത്തിയ പരിശോധനയില്‍ ചാരായം പിടികൂടിയിരുന്നു. എക്സൈസ് ഇന്‍സ്‌പെക്ടര്‍ അനില്‍കുമാറിന്റെ നേതൃത്വത്തിലെ സംഘമാണ് പരിശോധന നടത്തിയത്. തുടര്‍ന്ന് അസിസ്റ്റന്റ് കമ്മീഷണറുടെ നേതൃത്വത്തിലുള്ള പൊലീസ് സംഘവും, എക്സൈസ് ഡെപ്യൂട്ടി കമ്മിഷ്ണറും സ്ഥലതെത്തി പരിശോധനടത്തി. ഫോറന്‍സിക് സംഘവും സ്ഥലത്തെത്തി പരിശോധന നടത്തി.
പ്രതികരിക്കാൻ ഇവിടെ എഴുതുക: