ചെറുതോണി: 15 കാരിയെ പീഡിപ്പിച്ച് ഗര്‍ഭണിയാക്കിയ കേസില്‍ 64കാരന്‍ അറസ്റ്റില്‍. കഞ്ഞിക്കുഴി പഞ്ചായത്തില്‍ കൈതപ്പാറ ചെറുപറമ്പില്‍ ജോര്‍ജ്ജി(64) നെയാണ് കഞ്ഞിക്കുഴി പോലീസ് പോക്സോ നിയമപ്രകാരം അറസ്റ്റ് ചെയ്തത്.
വയറുവേദനയെ തുടര്‍ന്ന് പെണ്‍കുട്ടി ആശുപത്രിയില്‍ എത്തി പരിശോധന നടത്തിയപ്പോഴാണ് ഗര്‍ഭണിയാണെന്ന് അറിയുന്നത്. തുടര്‍ന്ന് തൊടുപുഴ വനിതാ ഹെല്‍പ്പ് ലൈനില്‍ അറിയിക്കുകയായിരുന്നു. കഞ്ഞിക്കുഴി സര്‍ക്കിള്‍ ഇന്‍സ്പെക്ടര്‍ മാത്യു ജോര്‍ജിന്റെ നേതൃത്വത്തിലാണ് പോലീസ് പ്രതിയെ പിടികൂടിയത്. ചോദ്യം ചെയ്യലില്‍ പ്രതി കുറ്റം സമ്മതിച്ചു.
മൂന്നാം ക്ലാസ്സ് മുതല്‍ ജോര്‍ജ്ജ് പെണ്‍കുട്ടിയെ പിഡീപ്പിച്ചിരുന്നതായി സമ്മതിച്ചു. പെണ്‍കുട്ടി ഇപ്പോള്‍ പ്ലസ് വണ്‍ വിദ്യാര്‍ത്ഥിനിയാണ്. വിവാഹിതരായ രണ്ട് ആണ്‍ മക്കളുടെ അച്ഛനാണ് ജോര്‍ജ്ജ്. ഭാര്യ നേരത്തെ മരിച്ച് പോയതിനാല്‍ ഒറ്റയ്‌ക്കായിരുന്നുതാമസം. പ്രതിയെ ഇന്ന് കോടതിയില്‍ ഹാജരാക്കും.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: