സ്‌റ്റോ‌ക്‌ഹോം: ജീനോം എഡി‌റ്റിംഗിലെ പ്രത്യേക സങ്കേതമായ ക്രിസ്‌പര്‍ എഡിറ്റിംഗ്(CRISPR) വികസിപ്പിച്ച രണ്ട് വനിതാ ഗവേഷകര്‍ക്ക് ഇത്തവണ രസതന്ത്രത്തിനുള‌ള നൊബേല്‍ പുരസ്‌കാരം. ഫ്രഞ്ച് ഗവേഷക ഇമാനുവല്‍ ഷാര്‍പെന്റിയര്‍, അമേരിക്കന്‍ ഗവേഷക ജെന്നിഫര്‍.എ.ഡൗഡ്ന എന്നിവര്‍ക്കാണ് പുരസ്‌കാരം.
ജീനോം സാങ്കേതിക വിദ്യയിലെ സൂക്ഷ്‌മ വിദ്യയായ ക്രിസ്‌പര്‍ എഡിറ്റിംഗ് വഴി ഏതൊരു ജീവിയുടെയും, സൂക്ഷ്‌മ ജീവികളുടെയും, സസ്യങ്ങളുടെയും ഡിഎന്‍എ ഗവേഷകര്‍ക്ക് മാ‌റ്റാനാകും. ബര്‍ലിന്‍ മാക്‌സ് പ്ളാങ്ക് ഇന്‍സ്‌റ്റി‌റ്റ്യൂട്ടില്‍ പ്രൊഫസറായി ജോലി നോക്കുകയാണ് ഇമാനുവല്‍ ഷാര്‍പെന്റിയര്‍. യൂണിവേഴ്‌സി‌റ്റി ഓഫ് കാലിഫോര്‍ണിയയിലെ ഗവേഷകയാണ് ജെന്നിഫര്‍.എ.ഡൗഡ്ന.
ഉദ്ദേശം 8.2 കോടി രൂപ അവാര്‍ഡ് തുക വരുന്ന പുരസ്‌കാരം പ്രഖ്യാപിച്ചത് റോയല്‍ സ്വീഡിഷ് അക്കാദമി ഓഫ് സയന്‍സ് സെക്രട്ടറി ഗോറന്‍ ഹന്‍സണ്‍ ആണ്.
പ്രതികരിക്കാൻ ഇവിടെ എഴുതുക: