വാഷിങ്ടണ്‍ : യുഎസ് പ്രസിഡന്റ് ഡൊണാള്‍ഡ് ട്രംപിന് കൊറോണ സ്ഥിരീകരിച്ചു. ഭാര്യ മെലാനിയ ട്രംപിനും കൊറോണ സ്ഥിരീകരിച്ചിട്ടുണ്ട്. സ്രവപരിശോധന നടത്തിയതില്‍ രോഗം സ്ഥിരീകരിച്ചതായി ട്രംപ് തന്നെയാണ് ട്വിറ്ററിലൂടെ അറിയിച്ചത്.
രോഗം സ്ഥിരീകരിച്ചതിനെ തുടര്‍ന്ന് ക്വാറന്റൈനില്‍ ആണെന്നും, രോഗം മാറുന്നതിന് വേണ്ടിയുള്ള ചികിത്സാ നടപടിക്രമങ്ങള്‍ ആരംഭിച്ചതായും ട്രംപ് അറിയിച്ചു. നേരത്തെ അദ്ദേഹത്തിന്റെ ഉപദേശക ഹോപ്സ് ഹിക്സിന് കൊറോണ സ്ഥിരീകരിച്ചിരുന്നു. ഇതിന് പിന്നാലെ നടത്തിയ സ്രവപരിശോധനയിലാണ് ട്രംപിനും ഭാര്യ മെലാനിയയ്ക്കും രോഗം സ്ഥിരീകരിച്ചത്.
തെരഞ്ഞെടുപ്പ് അടുത്തതിനാല്‍ ട്രംപിനൊപ്പം ഹിക്സും വിവിധയിടങ്ങളില്‍ യാത്ര ചെയ്തിരുന്നു. കഴിഞ്ഞ ആഴ്ച ക്ലെവെലാന്റില്‍ നടന്ന സംവാദത്തിലും ഹിക്സ് പങ്കെടുത്തിരുന്നു.
പ്രതികരിക്കാൻ ഇവിടെ എഴുതുക: