തിരുവനന്തപുരം : ലൈഫ് മിഷന്‍ പദ്ധതിയുടെ കരാറുകാരായ യുണിടാക്ക് സ്വപ്‌ന സുരേഷിന് അഞ്ച് ഐഫോണുകള്‍ വാങ്ങി നല്‍കി. ഇതില്‍ ഇതില്‍ ഒന്ന് പ്രതിപക്ഷ നേതാവ് രമേശ് ചെന്നിത്തലയ്ക്കും സമ്മാനമായി നല്‍കിയെന്നും യിണിടാക് എംഡി സന്തോഷ് ഈപ്പന്‍. സിബിഐ അന്വേഷണത്തിനെതിരെ യുണിടാക് നല്‍കിയ ഹര്‍ജിയിലാണ് ഇക്കാര്യം വ്യക്തമാക്കിയിരിക്കുന്നത്.
2019 ഡിസംബര്‍ 2ന് യുഎഇ കോണ്‍സുലേറ്റ് സംഘടിപ്പിച്ച ദേശീയ ദിനാഘോഷ പരിപാടിയില്‍ പങ്കെടുക്കാനെത്തുന്നവര്‍ക്ക് സമ്മാനമായി നല്‍കാനാണ് ഫോണുകള്‍ വാങ്ങി നല്‍കിയത്. ആവശ്യപ്രകാരം അഞ്ച് ഐ ഫോണുകള്‍ സ്വപ്നയ്ക്ക് കൈമാറി. ദേശീയ ദിനാഘോഷ ചടങ്ങില്‍ മുഖ്യാതിഥിയായി പങ്കെടുത്തത് രമേശ് ചെന്നിത്തലയായിരുന്നു. അദ്ദേഹമുള്‍പ്പെടെയുള്ളവര്‍ക്ക് സമ്മാനമായി നല്‍കിയിട്ടുണ്ടെന്നും യുണിടാക് എംഡി ആരോപിച്ചു.
അതേസമയം യുണിടാക്കില്‍ നിന്ന് ഐഫോണ്‍ കൈപ്പറ്റിയിട്ടില്ലെന്ന് പ്രതിപക്ഷ നേതാവ് രമേശ് ചെന്നിത്തല അറിയിച്ചു. ആരോപണം തെറ്റാണെന്നും പ്രതിപക്ഷ നേതാവിന്റെ ഓഫീസ് വിശദീകരണം നല്‍കി.
പ്രതികരിക്കാൻ ഇവിടെ എഴുതുക: