തിരുവനന്തപുരം : മുഖ്യമന്ത്രിയുടെ പ്രസ് സെക്രട്ടറിയ്‌ക്ക് കോവിഡ് സ്ഥിരീകരിച്ചു. പ്രസ് സെക്രട്ടറി പി.എം. മനോജിന്റെ പരിശോധനാ ഫലം പോസിറ്റീവ് ആയതായി മുഖ്യമന്ത്രിയുടെ ഓഫിസ് വ്യക്തമാക്കി. മുഖ്യമന്ത്രിയുടെ ഓഫീസ് ജീവനക്കാരന് നേരത്തെ കൊറോണ സ്ഥിരീകരിച്ചിരുന്നു. ഇയാളുമായി സമ്പര്‍ക്കത്തിലേര്‍പ്പെട്ടതിനെ തുടര്‍ന്ന് മനോജ് നിരീക്ഷണത്തിലായിരുന്നു. ഇതിനിടെ നടത്തിയ പരിശോധനയിലാണ് കൊറോണ ഫലം പോസിറ്റീവ് ആയത്. രോഗം സ്ഥിരീകരിച്ച സാഹചര്യത്തില്‍ അദ്ദേഹം നിരീക്ഷണത്തില്‍ തുടരുകയാണ്.
നേരത്തെ മന്ത്രിമാരായ തോമസ് ഐസക്, ഇ.പി ജയരാജന്‍, വിഎസ് സുനില്‍ കുമാര്‍ എന്നിവര്‍ക്ക് കൊറോണ സ്ഥിരീകരിച്ചിരിന്നു. ഇതിന് പിന്നാലെയാണ് മുഖ്യമന്ത്രിയുടെ പ്രസ് സെക്രട്ടറിയ്‌ക്ക് കൊറോണ സ്ഥിരീകരിക്കുന്നത്. തോമസ് ഐസക്കിന്റെയും ഇ.പി ജയരാജന്റെയും രോഗം ഭേദമായി. എങ്കിലും ഇരുവരും നിരീക്ഷണത്തില്‍ തുടരുകയാണ്. സുനില്‍ കുമാര്‍ ഇപ്പോഴും ആശുപത്രിയില്‍ ചികിത്സയിലാണ്.
പ്രതികരിക്കാൻ ഇവിടെ എഴുതുക: