അബുദാബി: ഐപിഎല് 8 എട്ടാം മത്സരത്തില് സണ്റൈസേര്സ് ഹൈദരാബാദിനെതിരെ കൊല്ക്കത്ത നൈറ്റ് റൈഡേഴ്സിന് 7 വിക്കറ്റ് വിജയം. ഹൈദരാബാദ് ഉയര്ത്തിയ 143 എന്ന വിജലക്ഷ്യം രണ്ടോവര് ബാക്കി നില്ക്കെ കൊല്ക്കത്ത മറികടന്നു. ശുബ്മാന് ഗില്, മോര്ഗന് എന്നിവരുടെ നോട്ട്ഔട്ട് കൂട്ടുകെട്ടാണ് കൊല്ക്കത്തയെ വിജയത്തിലേയ്ക്ക് നയിച്ചത്. ശുബ്മാന് 62 പന്തില് 70 റണ്സും മോര്ഗന് 29 പന്തില് 42 റണ്സും നേടി.
കൊല്ക്കത്തക്കായി നിതീഷ് റാണ 26 റണ്നേടി. ക്യാപ്റ്റന് ദിനേശ് കാര്ത്തിക് സുനില് നരേയ്ന് എന്നിവര് റണ്സ് ഒന്നും നേടാനാകാതെ ക്രീസ് വിട്ടു. ഖലീല് അഹമ്മദ്, തങ്കരാസു നടരാജന്, റാഷിദ് ഖാന് എന്നിവര് സണ്റൈസേഴ്സിനായി ഓരോ വിക്കറ്റുകള് വീഴ്ത്തി.
ആദ്യം ബാറ്റ് ചെയ്ത സണ്റൈസേഴ്സ് മനീഷ് പാണ്ഡെയുടെ അര്ധ സെഞ്ചുറിയുടെ മികവില് 20 ഓവറില് നാല് വിക്കറ്റിന് 142 റണ്സ് എടുത്തു. മനീഷ് പാണ്ഡെ 38 പന്തില് മൂന്ന് ഫോറും രണ്ട് സിക്സറും അടക്കം 51 റണ്സ് എടുത്തു. ക്യാപ്റ്റന് ഡേവിഡ് വാര്ണര് (36) വുദ്ധിമാന് സാഹ (30) എന്നിവരും ഭേദപ്പെട്ട പ്രകടനം കാഴ്ചവച്ചു.
ബാറ്റിങ് തെരഞ്ഞെടുത്ത സണ്റൈസേഴ്സിന്റെ തുടക്കം മോശമായി. 24 റണ്സ് എടുക്കുന്നതിനിടെ ഓപ്പണര് ബെയര്സ്റ്റോയെ നഷ്ടമായി. പാറ്റ് കമ്മിന്സിന്റെ പന്തില് ബെയര്സ്റ്റോയുടെ വിക്കറ്റ് തെറിച്ചു. അഞ്ചു റണ്സാണ് ഈ ഓപ്പണറുടെ സ്മ്പാദ്യം. തുടര്ന്നെത്തിയ മനീഷ് പാണ്ഡെക്കൊപ്പം ക്യാപ്റ്റന് ഡേവിഡ് വാര്ണര് രണ്ടാം വിക്കറ്റില് 35 റണ്സ് കൂട്ടിച്ചേര്ത്തു. 36 റണ്സ് കുറിച്ച വാര്ണര് ഒടുവില് വരുണിന്റെ പന്തില് റിട്ടേണ് ക്യാച്ച് നല്കി മടങ്ങി. വാര്ണര് 30 പന്തില് രണ്ട് ഫോറും ഒരു സിക്സറും സഹിതം 36 റണ്സ് എടുത്തു.
