തൃശൂര്: ഇരിങ്ങാലക്കുടയില് കാറളത്തു വെള്ളാനിയില് പട്ടിക വിഭാഗങ്ങള്ക്കുള്ള ഭൂമിയില് ലൈഫ് മിഷന് ജനറല് പദ്ധതി ഉദ്ഘാടനം ചെയ്ത മുഖ്യമന്ത്രിയുടെ നടപടി നിയമ വിരുദ്ധമാണെന്ന് ബിജെപി പട്ടികജാതി മോര്ച്ച സംസ്ഥാന പ്രസിഡന്റ് ഷാജുമോന് വട്ടേക്കാട് പറഞ്ഞു. കാറളം ഗ്രാമപഞ്ചായത്ത് പതിമൂന്നാം പഞ്ചവത്സര പദ്ധതിയില് ഉള്പ്പെടുത്തി പട്ടികജാതി വിഭാഗത്തില് പെടുന്ന ഭൂരഹിത ഭവന രഹിതര്ക്ക് വേണ്ടി പട്ടികജാതി ഫണ്ട ഉപയോഗിച്ച് വാങ്ങിയ 84സെന്റ് ഭൂമിയിലാണ് ജനറല് വിഭാഗത്തിന് ലൈഫ് പദ്ധതിയില് ഉള്പ്പെടുത്തി ഭവന നിര്മ്മാണത്തിന് മുഖ്യമന്ത്രി തറക്കല്ലിട്ടത്
2017-2022ലെ ഗ്രാമപഞ്ചായത്തു വികസന രേഖയില് ഇത് വളരെ വ്യക്തമായി പറയുന്നുണ്ട്. പാവപ്പെട്ട പട്ടിക വിഭാഗക്കാരെ മുഖ്യമന്ത്രി വഞ്ചിക്കുകയാണ്. പട്ടികജാതി വികസനഫണ്ട് വകമാറ്റുന്നത് കുറ്റമാണെന്നിരിക്കെ തദ്ദേശ ഭരണ വകുപ്പ് മന്ത്രിക്കെതിരെ സ്വമേധയാ കേസെടുക്കാന് സംസ്ഥാന പട്ടിക ജാതി ഗോത്രവര്ഗ കമ്മീഷന് തയ്യാറാകണെന്നും ഷാജുമോന് വട്ടേക്കാട് ആവശ്യപ്പെട്ടു.
