തിരുവനന്തപുരം: യുവമോര്‍ച്ചയുടെ സമരങ്ങളെ ക്രൂരമായി അടിച്ചമര്‍ത്തി സമരം അവസാനിപ്പിക്കാമെന്നത് പിണറായി സര്‍ക്കാരിന്റെ വ്യാമോഹം മാത്രമാണെന്ന് യുവമോര്‍ച്ച സംസ്ഥാന അധ്യക്ഷന്‍ പ്രഭുല്‍കൃഷ്ണന്‍. പൗരാവകാശങ്ങളെ അടിച്ചമര്‍ത്തുന്ന സര്‍ക്കാരിന്റ സ്റ്റാലിനിസ്റ്റ് സമീപനം വിലപ്പോവില്ല. ജനങ്ങളെ അടിമകളാക്കി ഭരിക്കാം എന്നത് വ്യാമോഹമാണന്നും യുവമോര്‍ച്ച സംസ്ഥാന അധ്യക്ഷന്‍ പറഞ്ഞു.
ഭീകരവാദ സംഘടനകളും മയക്ക് മരുന്ന് സംഘങ്ങളും ഇടത് പക്ഷത്തിന്റെ ഘടകകക്ഷികളായി മാറിയിരിക്കുകയാണ്. സിപിഎം നേതാക്കളും മക്കളും രാജ്യ വിരുദ്ധ പ്രവര്‍ത്തനങ്ങളുടെ ഏജന്റുകളായി മാറിയെന്നും പ്രഭുല്‍ കൂട്ടിച്ചേര്‍ത്തു. യുവമോര്‍ച്ച തിരുവനന്തപുരം സെക്രട്ടറിയേറ്റിന് മുന്നില്‍ സംഘടിപ്പിച്ച രാപ്പകല്‍ സമരം ഉദ്ഘാടനം ചെയ്തു സംസാരിക്കുകയായിരുന്നു അദേഹം.
പ്രതികരിക്കാൻ ഇവിടെ എഴുതുക: