തൃശൂര്‍: ചാലക്കുടി മലക്കപ്പാറയിലേക്ക് സര്‍വീസ് നടത്തുന്ന കെഎസ്ആര്‍ടിസി സര്‍വ്വീസ് നിര്‍ത്തിയതിനെ തുടര്‍ന്ന് യാത്രക്കാര്‍ പെരുവഴിയില്‍. മുന്നറിയിപ്പില്ലാതെയാണ് സര്‍വ്വീസ് നിര്‍ത്തിയതെന്ന് സ്ഥിരം യാത്രക്കാര്‍ പറയുന്നു. മുന്‍ ചാലക്കുടി ഡിറ്റിഒയായിരുന്ന കെ.പി. രാധാകൃഷ്ണന്‍ സ്ഥലം മാറി പ്പോയത്തോടെ സ്വകാര്യ ബസുകളെ സഹായിക്കാന്‍ പല സര്‍വ്വീസകളും നിര്‍ത്തുന്നത്തിന്റെ മുന്നോടിയാണ് ഇതെന്ന ആരോപണമുണ്ട്. ടൂറിസ്റ്റുകള്‍, ഡൂട്ടിക്ക് പോകുന്ന ഉദ്യോഗസ്ഥര്‍, വനവാസികള്‍, ഗോത്രവര്‍ഗക്കാര്‍, എസ്റ്റേറ്റ് തൊഴിലാളികള്‍ എന്നിവര്‍ക്ക് ഉപകാരപ്രദമാകുന്ന തരത്തില്‍ സമയക്രമീകരണം നടപ്പിലാക്കി ഓടിക്കൊണ്ടിരുന്ന സര്‍വ്വീസായിരുന്നു ഇത്.
പഴയ ഡിടിഒ സ്ഥലം മാറി പോയതിന്റെ അടുത്ത ദിവസം മുതല്‍ സര്‍വീസുകള്‍ പൊളിക്കാന്‍ നടക്കുന്ന നീക്കം ജനങ്ങള്‍ക്കിടയിലും, മലക്കപ്പാറയിലെ ഉദ്യോഗസ്ഥര്‍ക്കിടയിലും വ്യാപകമായ പ്രതിഷേധങ്ങള്‍ക്ക് ഇടയാക്കിയിട്ടുണ്ട.് സ്വകാര്യ ബസ് ലോബിയെ സംരക്ഷിക്കാന്‍ സര്‍വ്വീസുകള്‍ അട്ടിമറിക്കാന്‍ ഒരു വിഭാഗം ഉദ്യോഗസ്ഥര്‍ ചാലക്കുടിയില്‍ ശ്രമിച്ചിരുന്നു. യാത്രക്കാര്‍ സോണല്‍ ഓഫീസര്‍ക്കും ഇഡിഓക്കും പരാതി നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: