ലണ്ടന്‍: മാഞ്ചസ്റ്റര്‍ യുണൈറ്റഡിന് പ്രീമിയര്‍ ലീഗില്‍ മോശം തുടക്കം. ആദ്യ മത്സരത്തില്‍ ക്രിസ്റ്റല്‍ പാലസിനോട് തോറ്റു. അതേസമയം, ആഴ്‌സണലും എവര്‍ട്ടനും തുടര്‍ച്ചയായ രണ്ടാം വിജയം നേടി. പതിനാറു വര്‍ഷത്തിനുശേഷം പ്രീമിയര്‍ ലീഗില്‍ തിരിച്ചെത്തിയ ലീഡ്‌സ് യുണൈറ്റഡ് ആദ്യ വിജയം കരസ്ഥമാക്കി.
മാഞ്ചസ്റ്റര്‍ യുണൈറ്റഡ് ഒന്നിനെതിരെ മൂന്ന് ഗോളുകള്‍ക്കാണ് ക്രിസ്റ്റല്‍ പാലസിനോട് തോറ്റത്. വില്‍ഫ്രെഡ് സാഹയുടെ ഇരട്ട ഗോളാണ് പാലസിന് വിജയം നേടിക്കൊടുത്തത്. ടൗണ്‍സെന്റ് ഒരു ഗോള്‍ നേടി. വാന്‍ ഡി ബീക്കാണ് മാഞ്ചസ്റ്റര്‍ യുണൈറ്റഡിന്റെ ഏക ഗോള്‍ സ്‌കോര്‍ ചെയ്തത്.
ആഴ്‌സണല്‍ രണ്ടാം മത്സരത്തില്‍ ഒന്നിനെതിരെ രണ്ട് ഗോളുകള്‍ക്ക് വെസ്റ്റ് ഹാം യുണൈറ്റഡിനെ പരാജയപ്പെടുത്തി. എവര്‍ട്ടണ്‍ രണ്ടിനെതിരെ അഞ്ചു ഗോളുകള്‍ക്ക് വെസ്റ്റ് ബ്രോംവിച്ച് അല്‍ബിയോണിനെ കീഴടക്കി.
പ്രതികരിക്കാൻ ഇവിടെ എഴുതുക: