ദുബായ്: ഇത്തവണ ഐപിഎല്ലില് വിരാട് കോഹ്ലിയും എ.ബി. ഡിവില്ലിയേഴ്സും റോയല് ചലഞ്ചേഴ്സിന്റെ (ആര്സിബി) ഇന്നിങ്ങ്സ് ഓപ്പണ് ചെയ്യണമെന്ന് മുന് ഇന്ത്യന് നായകന് സുനില് ഗാവസ്കര്. മികച്ച ബാറ്റ്സ്മാന്മാരായ ഇവര് ഇന്നിങ്സ് ആംഭിക്കുന്നത് ടീമിന്റെ വിജയസാധ്യത കൂട്ടുമെന്നും അദ്ദേഹം പറഞ്ഞു.
കോഹ്ലി നയിക്കുന്ന റോയല് ചലഞ്ചേഴ്സിന് ഇത് വരെ ഐപിഎല് കിരീടം നേടാനായിട്ടില്ല. എല്ലാ വര്ഷവും ഐപിഎല്ലിന്റെ തുടക്കത്തില് റോയല് ചലഞ്ചേഴ്സ് മികച്ച കളി പുറത്തെടുക്കും. പക്ഷെ അവസാനം അവര് ആരാധകരെ നിരാശപ്പെടുത്തും. കോഹ്ലിയും ഡിവില്ലിയേഴ്സും ഇന്നിങ്സ് ഓപ്പണ് ചെയ്യണം. കൂടുതല് വിജയങ്ങള് നേടാന് ഇത് സഹായകമാകുമെന്ന് ഗാവസ്കര് പറഞ്ഞു.
യുഎഇയിലെ പിച്ച് സ്പിന്നിന് അനുകൂലമാണ്. അതിനാല് പേസര്മാരുടെ പന്തുകള് നേരെ ബാറ്റിലേക്ക് എത്തും. ഓപ്പണറായി ഇറങ്ങുന്ന കോഹ് ലിക്കും ഡിവില്ലിയേഴ്സിനും ഈ അവസരം ശരിക്കും മുതലാക്കാനാകും. സ്പിന്നിനെ തുണയ്ക്കുന്ന പിച്ചില് ലെഗ്സ്പിന്നറായ യുസ്വേന്ദ്ര ചഹല് റോയല്സിന്റെ മാച്ച് വിന്നറാകുമെന്നും ഗാവസ്കര് പറഞ്ഞു.
പതിമൂന്നാമത് ഐപില്ലില് റോയല് ചലഞ്ചേഴ്സ് ബെംഗളൂരു ആദ്യ മത്സരത്തില് സണ്റൈസേഴ്സ് ഹൈദരാബാദിനെ നേരിടും. നാളെ ദുബായ് ഇന്റര്നാഷണല് സ്റ്റേഡിയത്തിലാണ് മത്സരം.
