കൊച്ചി: രണ്ടാമൂഴം നോവലിനെ ആസ്പദമാക്കി സിനിമ തയ്യാറാക്കനുള്ള ശ്രമത്തില്‍ നിന്നും സംവിധായകന്‍ ശ്രീകുമാര്‍ മേനോന്‍ പിന്മാറി. സിനിമയെച്ചൊല്ലി എംടി വാസുദേവന്‍ നായരും നിലനിന്നിരുന്ന തര്‍ക്കം ഒത്തുതീര്‍ത്തു. തിരക്കഥ എംടിക്ക് ശ്രീകുമാര്‍ മേനോന്‍ തിരിച്ച് നല്‍കും. തര്‍ക്കവുമായി ബന്ധപ്പെട്ട് ഇരുവരും നല്‍കിയ ഹര്‍ജികള്‍ പിന്‍വലിക്കാനും ധാരണയായി.
അഡ്വാന്‍സ് തുകയായി സ്വീകരിച്ച ഒന്നേകാല്‍ കോടിരൂപ എംടി തിരികെ നല്‍കും. കഥയ്‌ക്കും തിരക്കഥയ്‌ക്കും മേല്‍ എംടിക്കായിരിക്കാിരിക്കും പൂര്‍ണ അവകാശം. ഭീമനെ കേന്ദ്ര കഥാപാത്രമാക്കിയോ രണ്ടാമൂഴം ആസ്പദമാക്കിയോ ശ്രീകുമാര്‍ മേനോന്‍ സിനിമ എടുക്കാനോ പാടില്ല എന്നിവയാണ് മറ്റു ധാരണകള്‍. ഹര്‍ജി പിന്‍വലിക്കാന്‍ കോഴിക്കോട് മുന്‍സിഫ് കോടതിയില്‍ ശ്രീകുമാര്‍ മേനോന്‍ അപേക്ഷ നല്‍കി. തിങ്കളാഴ്ച അപേക്ഷ പരിഗണിക്കും.
പ്രതികരിക്കാൻ ഇവിടെ എഴുതുക: