കണ്ണൂര്: യുവമോര്ച്ച ജില്ലാ കമ്മിറ്റി കഴിഞ്ഞ ദിവസം മന്ത്രി ഇ.പി. ജയരാജന്റെ വീട്ടിലേക്ക് നടത്തിയ മാര്ച്ചില് പങ്കെടുത്ത പ്രവര്ത്തകരെ മൂന്നാംമുറ പ്രയോഗിച്ച് മര്ദ്ദിച്ച കണ്ണൂര് ഡിവൈഎസ്പി പി.പി. സദാനന്ദന്റെ നടപടിയില് പ്രതിഷേധിച്ച് യുവമോര്ച്ച പ്രവര്ത്തകര് കണ്ണൂരില് പ്രതിഷേധ പരിപാടി സംഘടിപ്പിച്ചു.
നഗരത്തില് പ്രതിഷേധ പ്രകടനവും സദാനന്ദന്റെ കോലംകത്തിക്കുകയും ചെയ്തു. ബിജെപി സംസ്ഥാന വൈസ്പ്രസിഡണ്ട് എ.പി. അബ്ദുളളക്കുട്ടി പ്രതിഷേധ പരിപാടി ഉദ്ഘാടനം ചെയ്തു. യുവമോര്ച്ച ജില്ലാ അധ്യക്ഷന് അരുണ്കൈതപ്രം അധ്യക്ഷത വഹിച്ചു. ബിജെപി ജില്ലാ വൈസ് പ്രസിഡണ്ട് ബാലകൃഷ്ണന് പടപ്പേങ്ങാട് സംസാരിച്ചു. ബിജെപി സംസ്ഥാന കൗണ്സില് അംഗങ്ങളായ പി.ആര്. രാജന്, പി.കെ. ശ്രീകുമാര്, മണ്ഡലം പ്രസിഡണ്ട് കെ. രതീഷ്, ഒബിസി മോര്ച്ച ആനന്ദ് വേങ്ങ, യുമോര്ച്ച ജില്ലാ ട്രഷറര് നന്ദുകുമാര് എ യുമോര്ച്ച ജില്ലാ ജനറല് സെക്രട്ടറി അര്ജ്ജുന് മാവിലാക്കണ്ടി സ്വാഗതവും സെക്രട്ടറി അഡ്വ. കെ. രഞ്ജിത്ത് നന്ദിയും പറഞ്ഞു.
