തൃശൂര്: നഗരകേന്ദ്രത്തെ പൈതൃക സോണില് നിന്നു മാറ്റാനുള്ള നീക്കം മാസ്റ്റര് പ്ലാനിനെ അട്ടിമറിക്കുന്നതാണെന്ന് എന്എസ്എസ് തൃശൂര് താലൂക്ക് യൂണിയന് നിര്വാഹകസമിതി. നീക്കം അംഗീകരിക്കാനാകില്ലെന്ന് പ്രമേയത്തില് വ്യക്തമാക്കി. ആരുമായും ചര്ച്ച നടത്താതെ മാസ്റ്റര് പ്ലാന് അട്ടിമറിക്കാനുള്ള നീക്കമുണ്ടായത് കെട്ടിട നിര്മാണ മേഖലയുടെ സമ്മര്ദത്തെ തുടര്ന്നാണെന്ന് സംശയിക്കണം.
സ്വരാജ് റൗ്ണ്ട് ഔട്ടര് ഫുട്പാത്തില് നിന്നു 150 മീറ്റര് ദൂരത്തില് കെട്ടിടങ്ങള്ക്ക് 15 മീറ്റര് ഉയരമേ അനുവദിക്കൂ എന്ന മുന്വ്യവസ്ഥ നടപ്പാക്കണമെന്ന് ആവശ്യപ്പെട്ടു. വിഷയത്തില് കൊച്ചിന് ദേവസ്വം ബോര്ഡിന്റെ കുറ്റകരമായ അനാസ്ഥയിലും നിശബ്ദതയിലും പ്രതിഷേധിച്ചു. പ്രസിഡന്റ് ഡോ.കെ.എസ്. പിള്ള അധ്യക്ഷനായി. വൈസ് പ്രസിഡന്റ് അഡ്വ. എ.സുരേശന്, സെക്രട്ടറി സി.സുരേന്ദ്രന്, വനിതാസമാജം പ്രസിഡന്റ് ജി.ഭവാനിഅമ്മ എന്നിവര് പ്രസംഗിച്ചു.
