കൊച്ചി: രണ്ടില ചിഹ്നത്തിനെ ചൊല്ലി കേരള കോണ്‍ഗ്രസ് ജോസ്, ജോസഫ് വിഭാഗങ്ങള്‍ തമ്മിലുള്ള നിയമ പോരാട്ടം പുതിയ തലത്തിലേയ്‌ക്ക്. ജോസ് കെ.മാണി വിഭാഗത്തിന് രണ്ടില ചിഹ്നംഅനുവദിച്ച തെരെഞ്ഞെടുപ്പ് കമ്മീഷന്റെ നടപടി ഹൈക്കോടതി ഒരു മാസത്തേയ്‌ക്ക് സ്റ്റേ ചെയ്തു.
തെരഞ്ഞെടുപ്പു കമ്മിഷന്‍ തീരുമാനത്തിനെതിരെ പി.ജെ.ജോസഫ് നല്‍കിയ ഹര്‍ജി ഫയലില്‍ സ്വീകരിച്ചുകൊണ്ടാണ് കോടതി സ്റ്റേ ഏര്‍പ്പെടുത്തിയത്. ഒരുമാസത്തേയ്‌ക്കാണ് സ്റ്റേ. വസ്തുതകള്‍ പരിശോധിക്കാതെയാണ് തെരഞ്ഞെടുപ്പു കമ്മിഷന്‍ രണ്ടില ചിഹ്നം ജോസ് വിഭാഗത്തിന് അനുവദിച്ചതെന്ന് ചൂണ്ടിക്കാണിച്ചാണ് പി.ജെ.ജോസഫ് കോടതിയെ സമീപിച്ചത്.
പാര്‍ട്ടി ഭരണഘടനയനുസരിച്ചു തിരഞ്ഞെടുക്കപ്പെട്ട വര്‍ക്കിങ് ചെയര്‍മാന്‍ താനാണ്. ചെയര്‍മാനായി തിരഞ്ഞെടുത്തതായി ജോസ് കെ.മാണി അവകാശപ്പെടുന്നതു ശരിയല്ല. ചെയര്‍മാനായി പ്രവര്‍ത്തിക്കുന്നതില്‍ നിന്നും കോടതി ജോസ് കെ.മാണിയെ വിലക്കിയിട്ടുണ്ട്. അതിനാല്‍ കമ്മീഷന്‍ ഉത്തരവ് റദ്ദാക്കണം എന്നാണ് ജോസഫ് ഹര്‍ജിയില്‍ ആവശ്യപ്പെട്ടിരിക്കുന്നത്. ഒക്ടോബര്‍ ഒന്നിന് കോടതി കേസ് പരിഗണിയ്‌ക്കും.
പ്രതികരിക്കാൻ ഇവിടെ എഴുതുക: