ബെംഗളൂരു : മയക്കുമരുന്ന് കടത്ത് കേസില് നടന് അറസ്റ്റില്. നിയാസ് മുഹമ്മദ് എന്നയാളാണ് ക്രൈംബ്രാഞ്ച് പിടിയിലായിരിക്കുന്നത്. കേസില് അറസ്റ്റിലായ നടി രാഗിണി ദ്വിവേദിയുടെ സുഹൃത്ത് രവിശങ്കര് നല്കിയ മൊഴിയുടെ അടിസ്ഥാനത്തിലാണ് ഈ നടപടി. ഇയാള്ക്ക് മലയാളം, കന്നട സിനിമ മേഖലയുമായി അടുത്ത ബന്ധമാണ് ഉള്ളത്. ചില മലയാള സിനിമകളിലും അഭിനയിച്ചിട്ടുണ്ട്.
നിശാപാര്ട്ടികളില് ഇയാള് ലഹരി എത്തിച്ചിരുന്നതായാണ് വിവരം. അറസ്റ്റിലായ നിയാസിന് മലയാള സിനിമയുമായും ബന്ധമുണ്ട്. ചില സിനിമകളില് ചെറിയ വേഷങ്ങളില് അഭിനയിച്ചിട്ടുണ്ട്. നിയാസിനെ ചോദ്യം ചെയ്യുന്നതില് നിന്നും ഇക്കാര്യത്തില് വ്യക്തത വന്നേക്കുമെന്നാണ് സൂചന.
മയക്കുമരുന്ന് കേസുമായി ബന്ധപ്പെട്ട് നര്ക്കോട്ടിക് കണ്ട്രോള് ബ്യൂറോ അറസ്റ്റ് ചെയ്ത സീരിയല് നടി അനിഘ, എറണാകുളം സ്വദേശി മുഹമ്മദ് അനൂപ് എന്നിവരുമായി നിയാസിനുള്ള ബന്ധം അന്വേഷിക്കുകയാണ്.
അതേസമയം കേസുമായി ബന്ധപ്പെട്ട് നടി സഞ്ജന ഗല്റാണിയുടെ വീട്ടില് പേലീസ് തെരച്ചില് നടത്തി. ചെവ്വാഴ്ച രാവിലെ സര്ച്ച് വാറണ്ടുമായി പോലീസെത്തി നടപടി ആരംഭിക്കുകയായിരുന്നു.
