നേഷന്‍സ് ലീഗില്‍ ജര്‍മനിക്ക് വിജയത്തിനായി കാത്തിരിക്കണം. മുന്‍ ലോക ചാമ്പ്യന്മാരായ ജര്‍മനിയെ സ്വിറ്റ്‌സര്‍ലന്‍ഡ് സമനിലയില്‍ തളച്ചു. ഇരു ടീമുകളും ഓരോ ഗോള്‍ വീതം നേടി. ആദ്യ മത്സരത്തില്‍ സ്‌പെയിനോടും ജര്‍മനി സമനില വഴങ്ങിയിരുന്നു. നേഷന്‍സ് ലീഗിലെ രണ്ട് പതിപ്പുകളിലായി ജര്‍മനി ഇത്‌വരെ ആറു മത്സരങ്ങള്‍ കളിച്ചു. ഒറ്റ മത്സരത്തില്‍ പോലും അവര്‍ക്ക് വിജയം നേടാനായില്ല.
മറ്റൊരു മത്സരത്തില്‍ ഗ്രീസ് ഒന്നിനെതിരെ രണ്ട് ഗോളുകള്‍ക്ക് കൊസോവയെ തോല്‍പ്പിച്ചു. സെര്‍ബിയയും തുര്‍ക്കിയും തമ്മില്‍ നടന്ന മത്സരം ഗോള്‍രഹിത സമനിലയില്‍ പിരിഞ്ഞു.
പ്രതികരിക്കാൻ ഇവിടെ എഴുതുക: