തൃശൂര്: ശക്തമായ കാറ്റില് പുതുക്കാട് കുറുമാലി, തെക്കേ തുറവ് ഭാഗങ്ങളില് കനത്ത നാശനഷ്ടമുണ്ടായി. കോണത്തുകുന്ന് ജംങ്ങ്ഷന് കിഴക്കു വശം വാക്കേകാടി വീട്ടില് അനിലിന്റെ കോണ്ക്രീറ്റ് വീടിനു മുകളിലേക്ക് കാറ്റില് തെങ്ങ് വീണു. വീടിനു കേടുപാടുകള് സംഭവിച്ചു. വീട്ടിലുള്ളവര് പുറത്തു പോയതിനാല് അപകടം ഒഴിവായി.
കൊടകര: കനത്ത കാറ്റിലും മഴയിലും കവുങ്ങ്് വീണ് വീടു തകര്ന്നു. വാസുപുരം ഇത്തുപ്പാടം ഇളംകുളിയാട്ടില് അരവിന്ദാക്ഷന് നായരുടെ ഓടിട്ട വീടാണ് തകര്ന്നത്. വീട്ടുപകരണങ്ങള്ക്കും കേടുപാടുണ്ടായിട്ടുണ്ട്.
കൊടുങ്ങല്ലൂര്:ശക്തമായ കാറ്റില് വീടിനു മുകളില് മരം വീണു. ചാത്തേത്തെു പറമ്പ് നടുമുറി അജിതന്റെ വീടിനു മുകളിലാണ് മരം വീണത്. വീടിന്റെ മേല്കൂരക്ക് ഭാഗിക നാശനഷ്ടം സംഭവിച്ചു.
