തൃശൂര്:: ചാലക്കുടിയില് കൊറോണ ബാധിച്ച് യുവാവ് മരിച്ചു. പോട്ട മൂന്നാം വാര്ഡ് ഹരിതാനഗറില് പഴേടത്തുപറമ്പില് ബെന്നി ചാക്കോ (42)ആണ് മരിച്ചത്. ഗുരുതരമായ വൃക്കരോഗത്തെ തുടര്ന്ന് തൃശൂര് എലൈറ്റ് ആശുപത്രിയില് ചികിത്സയിലായിരുന്നു. വെള്ളിയാഴ്ചയാണ് ഇദ്ദേഹത്തിന് കൊറോണ സ്ഥിരികരിച്ചത്. ഞായറാഴ്ച രാവിലെ മരിച്ചു.
തച്ചുടപറമ്പ് പള്ളി വികാരി ഫാദര് സെബാസ്റ്റ്യന്, ഫാ. മനോജ് കരിപ്പായി എന്നിവരുടെ നേതൃത്വത്തിലുള്ള നാലംഗ വൈദികരും നഗരസഭയിലെ നാല് ജൂനിയര് ഹെല്ത്ത് ഇന്സ്പെക്ടര്മാരു ചേര്ന്ന് തൃശൂരിലെ ആശുപത്രിയില് നിന്ന് മൃതദേഹം ഏറ്റുവാങ്ങി. ചാലക്കുടി നഗരസഭ ക്രിമറ്റോറിയത്തില് ദഹിപ്പിച്ച ശേഷം ചിതാഭസ്മം പോട്ട ചെറുപുഷ്പം പള്ളി സെമിത്തേരിയില് രാത്രിയോടെ തന്നെ അടക്കം ചെയ്തു. ഭാര്യ. ലിന്ഡ. മക്കള്: സാറ, മരിയ, തെരേസ, സാംസണ്.
