ലണ്ടന്‍: ജര്‍മനിയുടെ അറ്റാക്കിങ് മിഡ്ഫീല്‍ഡര്‍ കയ് ഹാവെര്‍ട്‌സിനെ പ്രീമിയര്‍ ലീഗ് ടീമായ ചെല്‍സി സ്വന്തമാക്കി. ബുന്ദസ്‌ലിഗ ടീമായ ബയര്‍ ലെവര്‍കുസനില്‍ നിന്നാണ് ഹാര്‍വെര്‍ട്‌സ് ചെല്‍സിയില്‍ എത്തുന്നത്.
ഹാവെര്‍ട്‌സുമായി അഞ്ചുവര്‍ഷത്തെ കരാര്‍ ഒപ്പുവച്ചതായി ചെല്‍സി അറിയിച്ചു. കരാര്‍ തുക വെളിപ്പെടുത്തിയില്ല. അതേസമയം 71 മില്യന്‍ പൗണ്ട്‌സി (ഏകദേശം 691 കോടി രുപ)നാണ് ചെല്‍സി ഇരുപത്തിയൊന്നുകാരനായ ഹാവെര്‍ട്‌സിനെ സ്വന്തമാക്കിയതെന്ന് ബ്രിട്ടീഷ് മാധ്യമങ്ങള്‍ റിപ്പോര്‍ട്ട് ചെയ്തു.
ലെവര്‍കുസനുമായുള്ള കരാര്‍ അവസാനിക്കാന്‍ രണ്ട് വര്‍ഷം കൂടി ശേഷിക്കെയാണ് ഹാവെര്‍ട്‌സ് ചെല്‍സിയില്‍ ചേര്‍ന്നത്. ലെവര്‍കുസനായി 150 മത്സരങ്ങളില്‍ 46 ഗോളുകള്‍ നേടി. 31 ഗോളുകള്‍ക്ക് അവസരവും ഒരുക്കി.
പ്രതികരിക്കാൻ ഇവിടെ എഴുതുക: